مشاكل المجتمع الأمريكي.. صبري فواز يثير جمهوره برسالة غامضة

أثار الفنان صبري فواز، تكهنات جمهوره برسالة غامضة، عبر حسابه الرسمي على موقع التواصل الاجتماعي "فيسبوك".

وكتب صبري فواز، قائلًا: " حلو إننا ننتج في مصر أفلام بتعالج مشاكل المجتمع الأمريكي".

وتكهن البعض أن صبري فواز يشير لأحد الأعمال السينمائية التي تنافس في موسم أفلام عيد الأضحى 2027، إذ رد أحد متابعيه، قائلًا: "آه والله والفيلم مسروق والإتنين محسسين الناس إنهم فتحوا عكا".

ورد متابع آخر، قائلًا: "هى دى العولمة بصحيح"، وقال آخر: "أمال علشان نوصل للعالمية". 

بموقف مؤثر.. صبري فواز ينعي عبدالرحمن أبو زهرة

وفي وقت سابق، نعى صبري فواز، الراحل عبدالرحمن أبو زهرة، بموقف له مع أحد أصدقاءه، عبر حسابه الرسمي على موقع التواصل الاجتماعي "فيسبوك".

وكتب صبري فواز، قائلًا: "واحد بلدياتي كان رأيه أن التمثيل ده حاجة تافهة والممثلين دول بيعملوا أيه يعني، في يوم كده قاعدين مجموعة بندردش بعض الحاضرين بدأوا يقولوا كلام مديح، وأنا في المواقف دي باخجل وأقعد أقول الله يخليك، دي عينك اللي طيبة، تسلم".

وتابع صبري فواز، قائلًا: "وفجأة صاحبنا إياه ده قال بصوت عالي: صدقهم التمثيل ده موضوع كبير قوي، فأنا قلت له باندهاش: غريبة يعني يا أبو حميد إن أنت اللي تقول كده".

وسرد صبري فواز، قائلًا: "قال لي: عارف بس الله يكرمه بقى (عبد الرحمن أبو زهرة) قلب لي دماغي، قلت له: إيه شوفت لقاء مع أستاذ ابو زهرة؟، رد عليا لا دا مشهد شوفته بالصدفة كده وإحنا بنتعشى في مسلسل جمهورية زفتى لما أبو زهرة قاد جمع الناس وعملوا وقفة قدام القسم و خرج المأمور هددهم إنه هيعد لحد عشرة ولو مامشيوش هيضرب في المليان، وقعد يعد وكل ما العد يزيد عدد الناس يقل لحد عدد 8 أبو زهرة بيبص وراه مالقاش ولا واحد".

وأضاف صبري فواز، قائلًا: "ما أقولكش على شكله ساعتها، تلاتة بالله العظيم يا جدعان الراجل وشه أصفرّ قدام عيني، لا رهيب".

واختتم صبري فواز، قائلًا: "افتكرت الحكاية دي النهارده، ربنا يرحمك ويسامحك و يسعدك في جنته يا أستاذ".