النجم العالمي جيانكارلو أسبوزيتو : أحمد عز كان بيسيب تصوير 7Dogs ويروح يصلي
وجه النجم العالمي جيانكارلو أسبوزيتو إشادات كبيرة لنجوم أبطال فيلم 7dogs كريم عبدالعزيز و أحمد عز ، مشيرا إلى أنهم نجوم رائعين وناس حقيقية بمشاعر حقيقية ، كما كشف عن موقف كان يفعله أحمد عز دائما أثناء التصوير .
وقال الممثل العالمي جيانكارلو أسبوزيتو في إحدى لقاءاته : كريم عبد العزيز وأحمد عز فنانين رائعين وناس حقيقية بمشاعر وأحاسيس حقيقية .. وليس لديهم أي كبرياء .. احنا كنا بنصور في شهر رمضان وكنا بنحتاج نوقف التصوير علشان أحمد عز يروح يصلي .
حوار أحمد عز مع نيوز رووم
في لقاء خاص عبر نيوز رووم، تحدث الفنان أحمد عز عن فيلمه الجديد “سفن دوجز” الذي يجمعه بالفنان كريم عبد العزيز، والمقرر طرحه في السينمات 27 مايو المقبل تزامنًا مع عيد الأضحى المبارك.
كواليس التحضير والتنظيم
وقال أحمد عز، إن التحضير وتصوير الفيلم كان في غاية التنظيم وعلى مستوى عالي من الاحترافية:"الفيلم كان منظم جدًا، كان أعلى مستوى من التنظيم والاحترافية.. معانا إنتاج عالي ونجوم عالمين شرف الواحد يتواجد معاهم في لوكيشن واحد ومخرجين كبار".
هل تعرض أحمد عز لإصابات
وأشار إلى أنه لم يتعرض لإصابات خطيرة، جميعها إصابات بسيطة جدًا لا تذكر والحمد لله ربنا يستر".
وعن التعاون بين نجوم عرب وعالميين، قال:"الفرق إنك تبقى واثق إنك تقدر تروح بعيد لمكان أعلى ونجاح أكبر، لما تضع اقتصادي في جروب ناس بتشتغل باحترافية هيبقى محترف جدًا، ولو لاعيب كورة وُضع في فرقة كويسة هيبقى كويس، والشغل مع الكاست شرف وفوق راسي، لكن أنت تقدر تروح ابعد من ده لو توافرت الظروف، وده حصل في الفيلم كل الظروف كانت مواتية إنك تروح بعيد وإنك تبقى زيك زي أي حد تاني".
وتابع: "أنا طول عمري بقول الخواجة مش أحسن مني.. لازم يبقى في دماغك أنك مش أقل وممكن تروح أبعد من خلال الالتزام والتنظيم".
