مين العاقل ومين المجنون في البيت؟ إلهام علي تكشف علاقتها بزوجها
تحدثت سفيرة الفن السعودي إلهام علي، عن طبيعة حياتها الزوجية مع الفنان خالد صقر، وكشفت تفاصيل العلاقة بينهما داخل المنزل وخارجه، إضافة إلى رؤيتهما لفكرة التعاون الفني بينهما.
أنا مجنونة وبحب الحياة
وخلال لقائها مع الإعلامية إسعاد يونس، ببرنامج صاحبة السعادة، أجابت إلهام علي عن سؤال حول طبيعة كل منهما داخل البيت، قائلة: «أنت العاقلة ولا هو؟» ثم ردت قائلة: «لا أنا مجنونة»، موضحة أنها تميل إلى المرح وحب الحياة والمغامرات داخل منزلها.
وأوضحت: «أنا أحب الحياة، أحب أعمل أكشن، أحب أعمل مغامرات، دايما أحب أعمل مقالب في خالد وكده، مع إنه مقالب بريئة يعني، مش مقالب تقيلة، يعني زي إني أستخبى ورا الباب أو حاجات كده»، مؤكدة أن هذه التصرفات تعكس طبيعتها المرحة.
ووصفت زوجها الفنان خالد صقر قائلة: «بس هو لا، عاقل وحكيم ورزين، ولسه لحد النهارده كده»، مشيرة إلى أنه يتمتع بالهدوء والاتزان في حياته اليومية.
فكرة العمل المشترك بينهما
وتطرقت إلهام علي إلى فكرة العمل المشترك بينهما، موضحة أنه في بداية الزواج كان هناك حرص على الفصل بين الحياة الزوجية والعمل الفني، وقالت: «في البدايات كنا حريصين إن زواجي من خالد ما يبقاش هو شغل، يعني زواجي في البيت، بس هو في التصوير زميلي، وده كان قاعدة بالنسبة لي وبالنسبة له».
وأكدت أن لكل منهما حدودا مهنية واضحة داخل العمل، مضيفة: «أكيد عندنا خطوط حمراء، لكن هو محترم خطوطه وأنا محترمة الخطوط اللي في شغلي، وهو بيشتغل كمحترف وأنا بشتغل كمحترفة، علشان ما تدخلش المشاعر الخاصة في الشغل».
استغلال الزواج فنيا ليس هدفا
كما أوضحت أن استغلال الزواج فنيا ليس هدفا لديهم، قائلة: «فلما شفنا إنه ممكن يتم استغلال هذه الزيجة في الأعمال، لا هي مش كده، لو فيه دور مناسب في عمل مناسب أكيد ممكن نشتغل، لكن مش شرط علشان إحنا متجوزين يبقى نشتغل مع بعض».
وأضافت: «فيه ناس كتير مشوا بالطريقة دي إن الزواج يبقى مشهور أكتر، ويتقال مراته عشان ييجي هو، حصل الكلام ده، بس إحنا لا، لو فيه دور لإلهام كويس أو لخالد كويس ممكن نشتغل، لكن كل واحد له خطه».
وتابعت حديثها عن أحد الأعمال الفنية المشتركة، قائلة: «إحنا التقينا في مشروع شارع الأعشاء مؤخرا، لكن هو في خط وأنا في خط تاني»، موضحة أن كل طرف يعمل بشكل مستقل حتى داخل المشروع الواحد.
كما أشارت إلى دعمها لبعض المشاركين في العمل، قائلة: «شارع الأعشاء ده بالنسبة لي حاجة مهمة جدا، علشان ابن أختي بيعمل المنتج بتاعه»، مؤكدة حرصها على دعم المشاريع القريبة منها.
