النجم العالمي مارتن لورانس: سعيد بزيارتي للأهرامات.. وبحب الشعب المصري
شهدت حلقة برنامج الحكاية لقاء مع صناع وأبطال فيلم "7dogs"، حيث تحدث النجم العالمي مارتن لورانس عن تجربته الفريدة في هذا العمل وعن كواليس تعاونه مع المخرجين عادل العربي وبلال فلاح، معربا عن سعادته بالتواجد في مصر.
كواليس وتفاصيل الشغل مع المخرجين عادل وبلال
وفي لقاء خاص ببرنامج الحكاية المذاع عبر شاشة قناة MBC مصر، أشاد النجم العالمي مارتن لورانس بالمخرجين عادل العربي وبلال فلاح قائلا: "الشغل معاهم مفيش أحسن من كده، والراجلين دول رائعين"، وموضحا أن هناك كيميا كبيرة تجمعهم معا في اللوكيشن، وبسبب الكيميا دي بيقدروا يشتغلوا مع بعض بكل سلاسة وسهولة، وكل حاجة عايزين يقولوها بتظهر على وشهم فورا «وده بيسهل الشغل جدا بينهم».
احترافية تيم عمل فيلم 7Dogs وخفة دم المخرجين
وأكد النجم العالمي مارتن لورانس أن عادل العربي وبلال فلاح محترفين للغاية وبيخلوا الممثلين عندهم رغبة وشغف كبير في الشغل، ووصف الأجواء بأنها رائعة وحاجة عظيمة جدا، ومفيش أي مشكلة أو صعوبة في استقبال التعليمات منهم، بل على العكس الموضوع بيكون مضحك وبيموت من الضحك، وساعات بيدوهم تعليمات وساعات لا، لافتا إلى أن تيم فيلم 7Dogs شغالين كلهم كفريق واحد «علشان الفيلم يطلع بأفضل صورة».
سعادة النجم العالمي مارتن لورانس بالتواجد في مصر
وعن شعوره بالمشاركة في الفيلم، قال النجم العالمي مارتن لورانس إنه لما عرف بالفيلم ده واشتغل مع الناس دي لقاهم رائعين، وهو سعيد جدا إنه جزء من فيلم 7Dogs في العالم العربي، وأشار إلى أن دي مش زيارته الأولى للمنطقة العربية، حيث زار السعودية ودبي قبل كده، وعبر عن فرحته بزيارة الأهرامات، قائلا: بحب الشعب المصري.. شعب طيب».
