نورهان بعد اختراق هاتفها : بقيت قادرة استقبل مكالمات والواتساب لسه متهكر
كشفت الفنانة نورهان شعيب، عن قدرتها على استقبال المكالمات الهاتفية حاليًا، بعد إعلانها بالأمس عن اختراق هاتفها.
وكتبت نورهان عبر حسابها الشخصي على فيسبوك : "صباح الخير، أنا دلوقت بقيت قادرة استقبل مكالمات ماكانتش بتجيلي قبل كده، كانت بتروح للهاكر، ودلوقتي التواصل الوحيد بيني وبين الناس بالاتصال فقط للأسف".
وأضافت : "لسه الواتساب ماسترجعتوش ولا أغلب الحاجات، والبوست ده بكتبه من اللاب وأنا مش عارفة هايتشاف ولا لأ، وولا عارفة هل أنا كده معايا حد تاني هنا بينزل بوستات، ولا خلاص بقيت لوحدى عالصفحة ؟، هنعرف قريب إن شاء الله".
واختتمت نورهان : "بكرر أنا لا ببعت لحد هدايا يفتحها ويكسب فلوس، ولا بطلب فلوس طبعًا من حد، ده الهاكر".
وكانت قد كشفت الفنانة نورهان شعيب بالأمس الجمعة، عن تفاصيل اختراق هاتفها.
وكتبت نورهان عبر فيسبوك : “صباح الخير، أنا تليفوني اتهكر امبارح حوالي الساعة 4 عصرًا، والمشكلة إن شاء الله في طريقها للحل، وأول ما استعيد الـ full control علي حساباتي في كل الـ platforms هقول هنا برده، هيكون بفيديو أنا اللي هتكلم فيه”.
وتابعت : "أي حد جاله مني رسايل فيها لينكات مايفتحهاش، أي بوستات غير منطقية أو لا تتوافق مع طبيعتي اللي كلكم عارفينها، دي مش أنا، دعواتكم”.
