الفريق كامل الوزير: مصنع لصناعة عجلات القطار.. وأنظمة تحكم وسيطرة لأول مرة
أعلن الفريق كامل الوزير، وزير النقل، عن إنجازات جديدة، قائلا: «مجموعة العشري للصلب هتقتحم مجال صناعة مكونات القطارات في مصر، أنا ضغطت على المهندس أيمن العشري وخدته وروحنا شركة CAF الإسبانية علشان نعمل عجل القطار وعمل السبيكة وعمل الاسطوانة المعدنية، وراحت بالفعل واتحللت وإن شاء الله بتتطور وترجع عجلة ونعملها على القطارات، ثم هنعمل مصنع كامل متكامل في مصر”.
ميناء دمياط الجديدة
وأضاف «كامل الوزير»، عبر قناة «المحور»، «ميناء دمياط الجديدة أصبح أخيرا واحد من أهم الموانئ المصرية العالمية المتكاملة، ودخول محطة حاويات دمياط ضمن قائمة أفضل عشرين محطة حاويات على مستوى العالم، وفي المركز العاشر عالميا من حيث التطوير والتحسن السنوي خلال عامي 2023 و2024”.
مصنع أنظمة تحكم وسيطرة لأول مرة
وأشار الفريق كامل الوزير إلى أن: “شركة ألستوم لأنظمة الاتصالات بدأت التشغيل التجريبي لمونوريل شرق النيل وتعزيز الربط الحضري في القاهرة الكبرى، متابعا: الجديد اللي هيتم عمله هو إن شركة ألستوم هتعمل مصنع لأنظمة السيطرة والتحكم والاتصالات والكلام ده كله ما بيتعملش غير في 4 مصانع عالمية، وألستوم واحدة منهم.
وواصل الفريق كامل الوزير: لما ألستوم تعمل لي مصنع للأنظمة في برج العرب، وبرضوا رحنا وراهم وضغطنا عليهم، والاتصالات من سيادة الرئيس شخصيا مع الرئيس ماكرون، ولما جه هنا كلكم شفتونا لما خدنا وركبنا المترو وقعدنا نضغط ونتكلم عشان نعمل المصنع.
وأكد بقوله: "لما أعمل مصنع الوحدة المتحركة رقم 3، وأعمل مصنع الأنظمة رقم 1 اللي هو مفيش منه بره، لافتا إلى أن شركة ألستوم ما بتعملش مصنع الأنظمة بره، ألستوم بتعمل مصنع مترو ومونوريل في الصين حاليا، وبتلغي المصنع اللي في إنجلترا وبتعمله في الصين، ولكن مصنع الأنظمة ما عملتوش في أي حتة تانية بره”.
