شيكو بانزا: كامويش لاعب كبير ويحتاج وقت للتأقلم في مصر

تحدث شيكو بانزا لاعب الفريق الأول لكرة القدم بنادي الزمالك عن تجربته في الدوري المصري و الأجواء المختلفة عن أوروبا مشيدًا ببعض اللاعبين الأجانب في الأهلي وعلى رأسهم زميله السابق كامويش.

وقال بانزا خلال ظهوره في برنامج “اللعيب” عبر قناة “إم بي سي مصر 2”: مش بكون متابع لكل الفرق بشكل تفصيلي، لكن في لاعبين مميزين في الأهلي زي أليو ديانج وجراديشار، وكمان كامويش لعبت معاه في البرتغال وهو لاعب عنده إمكانيات عالية جدًا.

وتابع: لما أي لاعب بينتقل لدوري جديد الموضوع مش سهل، لأن كل دوري له طريقة لعب مختلفة، وده بيخلي التأقلم ياخد وقت.

وأضاف: الدوري المصري محتاج وقت عشان اللاعب يفهمه كويس، وده طبيعي يظهر على أي محترف جديد، وممكن الأداء يطلع ويهبط في البداية، وده حصل معايا أنا كمان.

واستمر: أنا مريت بنفس التجربة لما جيت الزمالك، واحتجت وقت عشان أتأقلم وأقدم مستوايا الحقيقي.

وأتم: مفيش تواصل حاليًا مع كامويش، لكن بينا احترام كبير، وأنا بتكلم من واقع تجربة شخصية في مصر.