11 سنة في كلية التجارة.. الفنانة انتصار: كنت بحقق إنجازات في التمثيل

كشفت الفنانة انتصار أنها استغرقت 11 عاما لإنهاء دراستها الجامعية بكلية التجارة، موضحة أن انشغالها بالتمثيل كان السبب الرئيسي وراء ذلك.

قعدت في الجامعة 11 سنة

وقالت «انتصار»، خلال لقاء مع الإعلامية منى الشاذلي على قناة “أون”: كان في نظام في الجامعة وقتها، أول سنة ليك سنة بس، تاني سنة ليك سنتين، تالت سنة ليك تلات سنين، رابعة بتعدي نص المواد في خلال السنة، وبعدين نص المواد التاني بيبقى سنة مفتوحة، فبيدوا فرصة في رابعة إنه خلاص طبعا انتي عديتي نص المواد مش هيرفدوكي يعني، فيقولوا معلش لو فيه 7 مواد ولا حاجة خلصيهم براحة".

وردت على سؤال منى الشاذلي، «علمتي إي في الـ11 سنة؟»: قائلة: إنت عارفة إنجازاتي.. من سنة أولى بدأت أمثل، فطبعا سقطت أولى، عديت أولى، بدأت بقى أنتشر واشتغل، عديت أولى دخلت تانية الحمدلله، سقطت تانية برضو بشتغل لقيت نفسي هاخد رفد قمت فذاكرت، وروحت سنة تالتة.. حبيت في تالتة، اتجوزت في تالتة، عدّيت تالتة، حملت في تالتة، خلفت وأنا في تالتة، دخلت رابعة".

المذاكرة داخل الاستوديوهات

وأشارت إلى أنها كانت تذهب إلى مواقع التصوير وهي تحمل مذكرات الدراسة الخاصة بها، قائلة: "كنت بروح للاستوديوهات معايا محاسبة ضريبية"، مضيفة أن مساعد المخرج كان يتفاجأ أثناء التصوير بوجود أوراق الدراسة معها، لترد عليه: "ما عليك عندي مادة ضريبية في تالتة تجارة".

استغلال وقت التصوير في الدراسة

وأكدت أنها كانت تستغل فترات الانتظار الطويلة بين المشاهد في المذاكرة، موضحة: "بنصور الورق ويبعتولي الملازم وأقعد أذاكر"، مشيرة إلى أن شقيقها كان يساعدها في دفع مصروفات الدراسة طوال تلك الفترة.

إنجاب طفليها أثناء الدراسة الجامعية

وأكدت على أنها أنجبت طفليها أثناء سنوات الدراسة الجامعية، قائلة: "خلفت الطفلين وأنا في الكلية".