الزراعة: توفير اللحوم بأسعار مخفضة استعدادًا لعيد الأضحى

تحدث الدكتور خالد جاد المتحدث الرسمي باسم وزارة الزراعة، عن البيان الذي أصدرته وزارة الزراعة ردا على الشائعات التي يتم تداولها على السوشيال ميديا حول أسعار الطماطم والسلع الغذائية

وأوضح، خلال مداخلة هاتفية له في برنامج «الساعة 6» المذاع عبر شاشة الحياة، مع الإعلامية عزة مصطفى، أن الطماطم دائما ما يطلق عليها السلعة المجنونة، كما أن سعرها غير مستقر على الإطلاق.

سعر الطماطم

وأضاف: «الطماطم بتتزرع في أربع عروات بين كل عروة والتانية السعر بيزيد.. وكمان التغيرات المناخية اللي بنتعرض ليها دي ممكن تأثر على سعر الطماطم، لكن دي تغيرات مؤقتة والعروة الصيفي نازلة قريب وهتكون موجودة في السوق بكميات أكبر، وكمان إحنا داخلين على موسم عيد وفي المواسم السعر بيزيد شوية لكن بينزل تاني».

وأردف خالد جاد: «الأسعار من النهاردة بدأت تنزل شوية وخلال الأيام الجاية الأسعار هتنزل اكتر.. والعروة الصيفي هتيجي قريب، يعني من كام يوم كنا بنتكلم عن البطيخ وحاليا نزل».

وأشار إلى فيديو انتشر منذ أيام على مواقع التواصل الاجتماعي فيديو في محافظة كفر الشيخ في منطقة البرلس يظهر فيه المزارعين يأكدوا أن محطول البطيخ فسد، قائلا: «حسسونا إن في مشكلة كبيرة جدا ونزلنا لجنة من الوزارة تعاين المنطقة ولقينا إن المنطقة فيها 500 مدان مزروعين بطيخ.. والحقل اللي فيه مشكلة هو 7.5 فدان وتم أخد عينات من الحقل وطلع كله بسبب ممارسات غير جيدة للمزارع بسبب عدم توازن في التسميد».

استعدادات عيد الأضحى

وتابع المتحدث باسمم وزارة الزراعة: «مفيش أزمة ولا وباء في المنطقة زي ما اتقال على السوشيال ميديا.. ووزارة الزراعة بتتحرك فورا مع اي حدث وكمان الوزير كلف لجنة عليا تتابع الموقف وطلع الأمور مستقرة والبطيخ اللي في السوق كويس والأسعار بتنزل لكن إحنا بنقلق المستهلكين بسبب السوشيال ميديا».

وعن استعدادات الوزارة لعيد الأضحى المبارك، واصل: «الطب البيطري بيتابع المجازر والمحلات وبنتيح كميات من اللحوم عن طريق المواشي الحية وذلك بأسعار مخفضة عن المنافذ الخارجية.. واللحوم من 280 لـ 370 أفضل نوع والاتاحة موجودة ومفيش أزمة قبل العيد».