رقيب أول عبد الصادق إبراهيم عن الشهيد غنيم: «كان عايز يشارك بأي طريقة»
تحدث رقيب أول عبد الصادق إبراهيم محمد عن رائد محمد أحمد غنيم، قائلا: «الشهيد غنيم رحمة الله عليه مكانش مكلف للمداهمة دي وأما عرف إن في مداهمة طالعة حابب يشارك فيها طلع من ضمن القوات المداهمة».
تمسك بالمشاركة في المداهمة
وأضاف، خلال ظهوره في فيلم «صخر»، ضمن سلسلة فيلم «حكاية بطل»، المنشور عبر الصفحة الرسمية للمتحدث العسكري للقوات المسلحة: «جمعنا السرية بالكامل وعمل معانا لقاء، حد يا رجالة مش حابب إن هو يطلع؟، كلنا في نفس واحد وفي رد واحد، لا كلنا حابين نطلع وكلنا نفسنا نشارك».
وتابع: «اتحركنا من قطاع لحفن لقرية اسمها قرية جريعة تابعة لقطاع لحفن، مجموعة الدبابات بدأت تحتل القرية عشان تمشطها، ومجموعة الصاعقة بدأت إن هي تاخد أعلى منطقتين موجودين في القرية».
تحدث عقيد فؤاد أحمد أيوب عن رائد محمد أحمد غنيم، قائلا: «الله يرحمه الشهيد غنيم كان لازم أختاره أول واحد، كان راجل بمعنى الكلمة، كان دؤوب في شغله، كان بيحافظ على الروح المعنوية للقوات، كان نعم الأخ والقائد والمعلم».
تنفيذ مهمة في الشرق
وأضاف، خلال ظهوره في فيلم «صخر»، ضمن سلسلة فيلم «حكاية بطل»، المنشور عبر الصفحة الرسمية للمتحدث العسكري للقوات المسلحة: «كلفنا بهذه المهمة من قبل القيادة العامة إن احنا نتحرك من قوات التدخل السريع لتنفيذ مهمة في الشرق».
في وقت سابق، تحدث نقيب محمد محمود أبو مصطفى عن مساعد صلاح جمال حافظ، قائلا: «يوم الاستشهاد كان عندنا مداهمة في كمين صابر 4، نبدأ نتحرك، القُوُل عبارة عن 3 عربيات مدرعة إم راب، تصطف العربيات على البيت على شكل حرف U».
إعاقة عمل العبوات الناسفة
وأضاف، خلال ظهوره في فيلم «الحكيم» ضمن سلسلة «حكاية البطل»، المنشور عبر الصفحة الرسمية للمتحدث العسكري للقوات المسلحة: «الشهيد صلاح الله يرحمه كان شايل جمر بيعيق عمل العبوات الناسفة اللي ممكن تشتغل عن طريق اللاسلكي».
تاني طلقة في الصول صلاح
وتابع: «أنا لما دخلت البيت عشان أقدر أحدد أي جسم غريب بيشتبه في كونه عبوة ناسفة مرتجلة، وبالتالي هو كان ورايا على طول عشان لو في أي عبوة ناسفة مرتجلة لا سلكية يقدر يشوش عليها، لقيت إن في عناصر قناصة بتضرب علينا، وأول طلقة قناصة طلعت خبطت في الحيطة اللي قدامنا، تاني طلقة لقيت الصول صلاح الله يرحمه كان مرتكز طبعا وجنبه جهاز الجمر ووقع على الأرض واتشاهد بصوت جهوري جدا».
