عيد ميلاد عادل إمام .. أبرز أعمال الزعيم البعيدة عن الكوميديا
يحل اليوم الأحد عيد ميلاد زعيم الفن في مصر والوطن العربي الفنان القدير عادل إمام الذي أتم عامه السادس والثمانين قضى منهم ما يقرب من 5 عقود في السينما والمسرح والدراما .
نشأة عادل إمام
ولد عادل إمام في 17 مايو عام 1940 بقرية شها التابعة لمحافظة الدقهلية، وانتقل مع أسرته إلى القاهرة، وهناك بدأت رحلته مع الفن أثناء دراسته بكلية الزراعة في جامعة القاهرة، حيث شارك في المسرح الجامعي، قبل أن يحصل على أدوار صغيرة فتحت له الباب نحو الشهرة.
بدأ عادل إمام مشواره من مسرح الجامعة في الستينيات، قبل أن ينتقل إلى الشاشة الكبيرة ويفرض نفسه سريعاً كممثل كوميدي قادر على تحويل الموقف العادي إلى مشهد يبقى في الذاكرة.
أبرز أفلام عادل إمام بعيدة عن الكوميديا
لم تقف مسيرته عند الكوميديا الخفيفة خلال الثمانينيات والتسعينيات قدم أفلاماً ناقشت قضايا اجتماعية وسياسية حساسة بأسلوب مباشر، مثل "الإرهاب والكباب" و"الغول" و"طيور الظلام"و"الإنس والجن “ و ”النمر والأنثى “ و “المشبوه” و " الهلفوت ” .
ذكريات لبلبة مع عادل إمام
وتحدثت عن ذكرياتها مع الزعيم وقالت: “عشرة كبيرة بيني وبينه، أجمل أيام حياتي قضيتها وأنا بشتغل معاه، صحيح أنا بشتغل لحد دلوقتي لكن وهو مش معايا مفيش طعم للشغل زي ما كنت بشتغل معاه، الساحة الفنية مبقاش ليها طعم، مفيش حد نجح 60 سنة، والناس حبته لأنها كانت بتحس أنه واحد منهم".
وأضافت لبلبة:"هو اللي عملني أكون متنوعة في أدواري وكان دايمًا يقولي متعمليش دور شبه دور فاجئي الجمهور.. خليه يدخل يكون فاكر إنك هتعملي كوميدي واعملي تراجيدي، اتعملت منه كتير، وشجعني، وكان بياخد باله من كل صغيرة وكبيرة في شغلنا، وكان بيكون فرحان بالبممثل لما يعمل دور حلو ولما أنا اعمل دور حلو يقولي حلو أوي ويشجعني".
رسالة لبلبة للزعيم
وتابعت لبلبة موجهة رسالة لعادل إمام:"يا عظيم يا أعظم فنان وإنسان.. أنت بالنسبة لي حاجة كبيرة أوي ومقدرش أتخيل حياتي وأنت مش فيها، إحنا على تواصل مع بعض بشكل دائم، والحمد لله بكون فرحانة لما هو يضحك ويكون مبسوط لما يكلمني، أسعد لحظات حياته لما كان بيبسط الجمهور، وكل الناس بتحبه".
وأكملت:"فيلم خلي بالك من جيرانك لحد الآن لما بشوفه بضحك، وافتكر الشوط ده اتعمل إزاي، يعمل الشوط بشكل ولو اتعاد يفاجئني بشكل تاني علشان كده، كنت أفضل بصاله علشان ما ادخلش بكلام يضيع حاجة حلوة هيقولها".
واختتمت:"ربنا يسعد أيامه ويخليه لنا.. زعيمنا وببوسه بوسات كتير".
