"لوم وعتاب".. سوار النجار: "أختي ارتاحت من الدنيا الكذابة"
وجهت سوار، شقيقة الفنانة التونسية الراحلة إيناس النجار، رسالة لوم وعتاب، في منشور غامض عبر "فيسبوك"، لبعض الشخصيات الذين كانوا على مقربة من شقيقتها.
رسالة لوم وعتاب
وكتبت سوار: "تسلم الشدة اللي عرفتنا الحبيب من العدو.. الله يرحمك يا أختي.. ارتحتي من الدنيا الكذابة كلها.. وفاتك كشفت لنا نوايا الناس واللي في قلبهم.. حسبي الله ونعم الوكيل".
رثاء إيناس النجار
وسبق أن رثت سوار النجار شقيقتها بكلمات مؤثرة، منذ أيام قليلة، حيث شاركت صورة جمعتهما، وكتبت: "طيب إنتي رحتي مكان جميل عند ربنا. أنا بقى هاكمل حياتي إزاي من غيرك؟ .. إزاي يا روحي إزاي يا بنتي، يا صحبتي يا توأمي إزاي إنتي كنتي محور حياتي كله، أنا اللي كنت بعمل كل تفصيلة في حياتك وفي يومك. أنا ماكنتش بحب نفسي قد ما بحبك وإنتي كنتي بتحبيني وبتحبي ماما ولانا أكثر من نفسك طيب ازاي ؟".
وتابعت سوار: "إزاي أكمل من غيرك إزاي مش موجودة معانا، طيب نعمل إيه بندعي بالصبر وبنصلي وبنتوسل من ربنا إنه يصبرنا بس، إزاي هنصبر إزاي مين هيكون أحن منك غير ربنا علينا يا حنينة، يا طيبة يا ملاكي .. دنيتي خلصت من غير توأم روحي يارب، استغفر الله العظيم يارب".
وأكملت شقيقة الفنانة الراحلة :"والنبي صحيني من الكابوس ده والنبي يارب يطلع كابوس أو حلم. وأصحى ألاقي أختي وروحي إيناس معايا، يارب يارب الدنيا وحشة وثقيلة وسودة في عيني يارب قولي أعمل إيه يارب ردي عليا يا نوسة".
سبب الوفاة
يُذكر إن إيناس النجار غادرت عالمنا يوم الإثنين 31 مارس، وهو أول أيام عيد الفطر المبارك، وذلك بعد أن تعرضت لأزمة صحية مفاجئة، حيث عانت من مشكلة في المرارة، وتدهورت حالتها بسبب معانتها من التهاب شديد في المرارة وارتفاع في إنزيمات الكبد، حتى دخلت في غيبوبة وتوفيت.
آخر أعمال الفقيدة
وكان آخر أعمال النجار، مسلسل "الحلانجي" مع محمد رجب، والذي عُرض في السباق الرمضاني الأخير، وضم العمل في قائمة أبطاله، عدد من النجوم، ومنهم: أيتن عامر، عبير صبري، دانا حلبي، عمرو رجب، محمد لطفي، عمرو رجب، محمد لطفي، هالة فاخر، أحمد وفيق، محمود قابيل، طارق صبري، أحمد عبد الله محمود، إبراهيم السمان، سامح الصريطي، مفيد عاشور، وعدد آخر من الفنانين، ومن إخراج معتز حسام وتأليف محمود حمدان.
