المخرج محمد دياب يكشف عن خطأ في تتر فيلم أسد بطولة محمد رمضان
كشف المخرج محمد دياب عن خطأ في تتر فيلم أسد بطولة محمد رمضان، تسببت في فقدان جزءًا من فرحته بالفيلم، الذي أُقيم بالأمس الثلاثاء عرضه الخاص في إحدى سينمات التجمع الخامس.
وكتب محمد دياب عبر حسابه الشخصي على فيسبوك : "امبارح كان العرض الخاص لفيلم أسد، وأنا بسمع تقدير الناس للمستوي الفني والتقني للفيلم كنت عاوز أقول للناس إن اللي يستحق الشكر هما الناس اللي اشتغلت على الفيلم بتفاني لمدة 3 سنين".
وتابع دياب : "ناس اختارت تاخد نفس الأجر اللي بياخدوه في أفلام بتخلص في شهور، وفضلوا يشتغلوا على أسد لسنين بلا كلل أو ملل، وسط فرحة اليوم اللي بيبقي كأنه فرح المخرج، فوجئت بأسماء أشخاص اسمهم اتنسي يتكتب على التتر، الغلطة دي مش مسؤولية المخرج بس اقسم بالله إن جزء كبير من فرحتي راحت، علشان الناس دي أصلًا ماشتركتش في الفيلم غير عشان التقدير".
وواصل محمد دياب : "طبعًا أسمائهم هتتكتب في النسخة اللي بتعيش للأبد اللي بتبقي بعد العرض السينمائي، بس طبعا ده مايوفيهمش حقهم، فالبوست ده أتمنى أي حد شاف أسد وحبه يشير البوست علشان مجهود الناس اللي تفانت واجتهدت، ومن غيرهم الفيلم كان هيبقي مستواه أقل بكتي وهم :
علي حجازي
Director’s producer
Editopr on set
A second unit director
وأضاف دياب : "علي دراعي اليمين، وأدواره في الفيلم متعددة، مفيش عنصر اشتغلت عليه إلا لما كان عيني التانية، وممكن نقول إنه أكتر واحد تعب في الفيلم ده".
وأكمل : "نيجي بقي لعنصر الصوت اللي دايما بنشتكي إنه عنصر ضعيف في مصر، لكن الحقيقة إن الشغل اللي بيتطلب بيبقي عاوز وقت أضعاف المتاح، فلما الناس بتاخد وقتها وتقرر إنها تضحي بشغل تاني عشان تدي الفيلم الوقت المستحق بتطلع النتيجة هايلة، أسد شريط الصوت اللي فيه علي مستوي عالمي و ده بسبب :
Dialogue edit مونتاج الحوار
أحمد عدنان
عادل عبدالحميد
عبدالله سمير
Sound design تصميم شريط الصوت
أحمد عدنان
Adr recordist مسجل الدوبلاج
عبدالله سمير
واختتم محمد دياب : "الناس دي تستحق أكتر من كده بكتير، وأتمني إنكوا تقدروهم لأنهم بجد اشتغلوا علشان احترامهم لشغلهم وفنهم، بحبكوا".
