« قصدي المصلحة يا عمور».. أحمد شوبير يرد على رسائل عمرو أديب
رد الإعلامي أحمد شوبير، على الرسائل التي وجهها عمرو أديب له عبر منصة "إكس"، بشأن اللاعب أحمد مصطفى زيزو .
وجاءت البداية بمنشور لشوبير عن إمكانية عودة زيزو للمشاركة مع الزمالك مرة أخرى بعد انتقاله للأهلي، قائلا : "سألت المقربين من زيزو، عندك استعداد تدرب في الزمالك؟ قالوا من بكره، ولكن يأمنوني، هكون ضامن الناس إزاي؟".
وأضاف شوبير: "عندك نهائي الكأس ولسة 6 مباريات في الدوري، شئت أم أبيت زيزو هو 50% من الزمالك، إيه المانع من أنه يدرب ويشارك، وهو لاعب بروفيشنال يستحمل هجوم الجماهير''.
ورد عليه عمرو أديب: ""بص يا كابتن أحمد يا حبيبي، لو الزمالك كان بيلعب في نهائي كأس العالم للأندية المباراة اللي بعدها تبقى بطل العالم، وفي آخر ثانية في ضربة جزاء ومحتاجين زيزو ينزل يلعبها علشان نبقى أبطال العالم والتاريخ"، نكمل نكمل الماتش من غير زيزو ونستمتع بالكورة وهي بتضرب فى العارضة، ونروح نحضن الشبل الزملكاوي اللى ضيعها ونقوله الرياضة مش أجوال وبطولات".
ليرد شوبير على عمرو أديب: "أنا كان قصدي المصلحة ياعمور ياحبيبي والله، ومادام كده شد حيلك معانا في اللي جاي".
وأضاف عمرو أديب “ ولا تفرق معانا يا رب تاخدوا الفرقه كلها بس كله بالمباديء والأصول ومحدش يقدر يجبر حد على القعاد يعنى عرض البطل مصطفى لو مهم أكيد حيبلغ النادى مش حيمضى وبعدين يقول أكمل معاكم ، يا حبيبى يا واحشنى ”.
وفى وقت سابق قال الإعلامي عمرو أديب خلال تقديم برنامج «الحكاية» المذاع عبر قناة «ام بي سي مصر»: «ما زلنا في مولد زيزو، بقول للزمالك لو سمحتم سيبوا الموضوع خلاص، يا عم انسى زيزو، وليذهب زيزو إلى الأهلي، ينجح يفشل هو وأبوه سيبه، انسى زيزو خالص».
وأضاف الإعلامي عمرو أديب: « إنما الأخ زيزو برده هو ووالده بيصطادوا، عاوز تقولي إن الراجل اللي كان بيتفاوض دا ليه 73 مليون عند الزمالك؟، طب هو ليه 73 ولا 9 ولا مش ليه خالص؟».
حركة مش شريفة
وعن أزمة انتقال زيزو إلى الأهلي؛ قال عمرو أديب : «زيزو مش أول لاعيب يسيب الزمالك ولا آخر واحد هيسيبه، والناس اللي بتشجع الزمالك مش بتشجعه علشان زيزو، الزمالكاوية اتضايقوا من الحركة، حركة مش شريفة، ما اتعملتش بشرف، والغريب إن اللي كان طالع فيها شخصية رياضية بتتكلم عن المبادئ ونادي المبادئ».
