فيدرا: لو هتودوا كلابكم مكان للإقامة متودهمش مكان مبيشوفوش فيه شمس
وجهت الفنانة فيدرا نصيحة إلى محبي ومربي الكلاب.
وكتبت فيدرا عبر حسابها بموقع فيسبوك: “لو هتودوا كلابكم مكان للإقامة، متودهمش مكان مبيشوفوش فيه شمس، أو المكان أوضة متقسم لأقفاص .. الحياة بتبقى صعبة، مش لازم نزود عليهم إنهم محبوسين في مكان متر في متر”.
وأضافت فيدرا: “في أماكن محترمة بيستضيفوا الكلاب والقطط بيحطوهم في أوض صغيرة، وفي أماكن فيها جناين بيطلعوا يتمشوا”.
على جانب آخر، حرصت فيدرا على الدعاء للفنان عبد الرحمن أبو زهرة، وكتبت عبر حسابها بموقع فيسبوك: “النهاردة يوم حزين ... وخسارة كبيرة في صناعتنا.المرة الوحيدة اللي اشتغلت فيها مع الأستاذ عبد الرحمن أبو زهرة كانت في فيلم أرض الخوف. ماكانش عندي معاه مشهد واحد، لكن فاكرة كويس إن كل مرة كنت بشوف مشاهده كنت بدمع”.
وأضاف:"كان اسمه موسى، وكان للاسم دلالة كبيرة جوه الشخصية. وكان هو الله يرحمه، في حاجة خاصة جداً في وشه، في حضوره، وفي طريقته. تمثيله كان فيه شيء روحاني وإنساني ومؤثر بشكل نادر.وفاته النهاردة خسارة كبيرة.بدعى ربنا يسعده فى آخرته ويرحمه رحمة واسعة.كلنا بنحبك يا أستاذ عبد الرحمن. ألف رحمة ونور على روحك".
