خلاف حاد داخل مدرسة.. اتهامات متبادلة وإجراءات قانونية من أسرة طالبة

كشفت الصحفية منى باشا تفاصيل أزمة تعرضت لها داخل مدرسة ابنتها، مؤكدة أنها وزوجها الإعلامي تامر المهدي تقدما بإجراءات رسمية ضد أحد المدرسين، بعد ما وصفته بإهانة الصحفيين والتجاوز في الحديث معهما خلال مناقشة واقعة تخص ابنتهما.

وقالت منى باشا، عبر حسابها على موقع فيس بوك: «النهاردة صحيت على تليفون: يا أستاذة، بنتك فيه مشكلة في المدرسة، قلت: حاضر، ولو بنتي غلطانة أنا آسفة، لقيت بنتي بتكلمني منهارة، وبتقولي رواية تانية، وإنها اتشدت، وأحد المدرسين عنفها جدًا، قلتلها: خليكي مكانك جايلك».

شكوى ومراجعة الكاميرات

وأضافت: «رحت أنا وتامر المهدي للإدارة، قالوا: اتفضلوا اعملوا شكوى وهنراجع الكاميرات وهنخد إجراءاتنا، تمام جدًا، طلعنا مكتب مسؤولة المرحلة، استقبلتنا، وتامر كان غضبان بصراحة، قالت: نهدى ونسمع بعض، يدوب تامر بيقوله: إيه اللي حصل يا فندم؟، أول كلمة طلعت منه: شوف يا أستاذ التربية بتاعتكم، يعني أول كلامه بيعيب في تربيتنا وهو ميعرفناش أصلًا، انفعلنا طبعًا واعترضنا، وهو بيتكلم بأسلوب غريب».

وتابعت: «بيقول: أنا بقالي 30 سنة مدرس، فمن باب التلطيف تامر بيقوله: أنا أبويا كان تربية وتعليم وعمي من باب تقريب وجهات النظر، يرد يقول: ليس الفتى من قال هذا أبي ولكن من قال ها أنا ذا».

واستكملت: «فتامر قاله: طيب يا سيدي أنا صحفي وعضو نقابة الصحفيين، قاله: طظ هو إنتوا بتقبضونا؟ ده إنتوا منافقين ونصابين خدنا منكم إيه؟».

وأضافت: «وهنا للأسف تمالكنا أعصابنا وقررنا ناخد كل إجراءاتنا الرسمية ضد هذا المدرس، اللي اتعامل معانا إحنا شخصيًا وإحنا بنتكلم بكل أدب بالشكل ده، وإدى لنفسه حق إنه يهين الصحفيين كافة، ويصفهم بأنهم منافقين ونصابين، وكررها أكتر من مرة، رغم محاولات التهدئة من إدارة المدرسة».

وأوضحت: «الشخص ده بيتعامل إزاي مع الطلاب وهو ليه سلطة عليهم؟ إحنا مش هنسيب حقنا، وأخدنا كل إجراءاتنا دفاعًا عن كرامتنا وكرامة كل صحفي محترم».

واختتمت: «مطالبنا اعتذار معلن لكل الصحفيين، واستبعاد المدرس من التعامل مع الطلاب لحين انتهاء التحقيقات، وننتظر نتائج التحقيق من المديرية والوزارة».