مصطفى منصور: المشاركة في تجهيز الزواج يجب أن تكون بحدود الإمكانيات

علق الفنان مصطفى منصور والفنانة هايدي رفعت على فكرة مساعدة الفتاة لخطيبها في تجهيزات الزواج، وقال منصور: «في حاجة مهمة الأول هي إن مينفعش حد يشارك الخصوصيات بتاعته لأهله أو صحابه لأن الموضوع مش بيكون متشاف زي ما إحنا شايفينه».

وأضاف، خلال استضافته في برنامج «ست الستات» المذاع عبر شاشة دي ام سي: «هايدي عارفة أنا بسعى إزاي وأنا عارف هي في إيدها إيه.. والأهم بقا إن لو في إمكانيات كفاية وقولتلها أنا هجيب كذا وأنت كملي دي تبقى كارثة.. لكن في ناس بتكون عايزة تعمل أي حاجة علشان تتجوز الشخص ده.. ولو والد هايدي طلب مني أمضي على قايمة علشانها همضي على أي حاجة».

ومن جابنها قالت الفنانة هايدي منصور: «في أهالي بتزود على الناس وفي أهالي بتكون بتعمل كده علشان تختبر الشخص.. لكن في الأول والأخر كل ده حسب الشخص اللي قدامك، وفي ناس فعلا بتكون عايزة تعمل كل حاجه علشان الشخص ».

الشرارة الأولى 

وفي وقت سابق وفي حلقة خاصة ملؤها الرومانسية والدفء الإنساني، استضاف برنامج "الستات مايعرفوش يكدبوا"، الذي يعرض عبر فضائية "CBC"، الثنائي الفني مصطفى منصور وهايدي رفعت، اللذان أعلنا رسميًا خطبتهما بعد علاقة إنسانية بدأت من كواليس مسرحية "يوم عاصم جدًا"، حيث كان العمل الفني هو الشرارة الأولى لعلاقة امتدت لأكثر من عامين، تطورت خلالها مشاعر الصداقة إلى حب وارتباط رسمي.

كشفت الفنانة هايدي رفعت أن اللقاء الأول بينها وبين مصطفى منصور كان أثناء التحضير للمسرحية، وقالت: "التقينا لأول مرة في البروفات، ومع الوقت ومع تكرار اللقاءات والتمرينات اليومية، بدأنا نلاحظ وجود انسجام كبير بيننا"، مضيفًا: "فضلنا سنة نشتغل سوا، نتمرن ونعرض، وده خلانا نقرب من بعض جدًا على المستوى الإنساني قبل العاطفي".

لحظة الاعتراف

من جانبه، قال الفنان مصطفى منصور إن الاعتراف بالمشاعر لم يكن سهلًا، رغم إحساسه المبكر بالانجذاب لهايدي، لكنه فضّل أن ينتظر حتى تتوطد علاقتهما بالصداقة والاحترام المتبادل، موضحًا: "أنا اللي قلت لها الأول، بعد حوالي سنة من صداقتنا، كنت حاسس من بدري لكن كنت خايف أتكلم وأخسرها كصديقة، لكن لما حسّيت إن المشاعر ناضجة وعلاقتنا بقت أقوى، قررت أصارحها".