علي السكري: فرحت لما عرفت إني هبقى بطل في مسلسل اللون الأزرق

روى الطفل علي السكري بطل مسلسل اللون الأزرق، قصة انضمامه لمسلسل اللون الأزرق، قائلا: إنه سعيد بالتجربة وحابب كل الناس اللي اشتغل معاهم في المسلسل، خلال لقاء ببرنامج “صاحبة السعادة”، وتقدمه الفنانة والإعلامية إسعاد يونس.

حبيت المسلسل جدا

وأضاف: "أنا حبيت المسلسل جدا، وكلهم كانوا بيحبوني، وكنا بنهزر مع بعض، وكنت باخد السكوتر بتاعي والكورة معايا في التصوير، وكنا بنلعب عادي، متابعا: عندي سكوتر كان بيستحمل أي حد، وكنا بنستخدمه في الكواليس".

منت بتدرب ازاي أزعل وأفرح

وأوضح إن التدريب على التمثيل كان في مكتب الإنتاج، مضيفا: كان بيدربني سعد هنداوي، وأحمد رزق ونور محمود، وقال: "كنا 4 أطفال، وكل واحد كان بيتمرن على التمثيل".

وأضاف: "كان أنكل سعد بييجي في يوم من أيام التدريب، وكان ده آخر يوم، وكنا هنعمل أوديشن، وكل واحد دخل واتكلم، وبعدها هو اختارني أنا وقال إني أنا اللي هعمل الدور".

وقال: "كان في دكتورة بتدربني، وكانت بتقولي أعمل حركات زي إني أزعل أو أفرح أو أتهز جامد".

وتابع: "كان في نظارة اللي كنت بلبسها في المسلسل وكنت محافظ عليها جدا، عشان دي أمانة وبعد ما خلصت التصوير، ادوهالي هدية عشان أفتكر الدور.