يسرا اللوزي: احتياج الست المطلقة للحب مش عيب ولا خطأ

تحدثت الفنانة يسرا اللوزي عن الجدل المرتبط بنظرة المجتمع للمطلقة، مؤكدة أن احتياج المرأة للحب والاهتمام بعد الانفصال أمر طبيعي ولا يجب اعتباره خطأ أو وصمة.

وقالت يسرا اللوزي، خلال لقاء خاص ببرنامج «كلمة أخيرة»، المذاع على قناة «أون» إن الشخصية التي قدمتها في «كان يا مكان»، كانت تعاني من شعور طويل بالاختناق داخل علاقة استمرت لسنوات، مضيفة: “واحدة اتطلقت وقالت أنا محبوسة في العلاقة دي بقى لي 15 سنة، وحاسة إني ما عشتش، وفاضل قد إيه من العمر؟ هي ما بتعملش حاجة غلط.. هي عايزة تحب حد، وده مش عيب”.

وتابعت: الشخصية كانت حريصة طوال الوقت على عدم ارتكاب أي تصرف خاطئ، موضحة: "ما كانتش عايزة تعمل حاجة غلط، حتى أول مرة هاني عادل عرض يوصلها رفضت تركب معاه، وما رضيتش تدي رقم تليفونها بسهولة”.

المجتمع أحيانا ينظر للمطلقة بشكل قاس

وأكدت أن المجتمع أحيانا ينظر للمطلقة بشكل قاس رغم أن احتياجها للحب والحنان احتياج إنساني طبيعي.

وتساءلت: “ليه لما واحدة تتطلق وبعدها تحب وتقرر تتجوز يبقى لازم تختار ما بين شريك حياتها وولادها؟”.

وأكدت: لازم الست تشيل فلوس على جنب محدش يبقى عارف عنها حاجة، مش شرط عشان الطلاق ممكن عشان الكوارث اللي بتحصل في العائلات زي الورث بين الإخوات.

وانتقدت الجدل الدائر حول تعديلات قانون الأحوال الشخصية، خاصة ما يتعلق بانتقال حضانة الأطفال إلى الأب حال زواج الأم، مشيرة إلى أن صلاحية الأم لتربية أبنائها لا ترتبط بكونها متزوجة أو لا.

وأضافت: “مفيش مشكلة لما تتجوز واحد تاني وتبقى أم كويسة جدا، ومش معنى إن الأم اتجوزت يبقى الأب هو الاختيار الأفضل تلقائيا، لأن الموضوع في النهاية بيرجع لشخصية الأب والأم وظروفهم”.