ممدوح موسى عن هاني شاكر: لولا نهلة زوجته مكانش هيبقى في هاني شاكر

قال الإعلامي ممدوح موسى، «وأنا في العزا بتاع الفنان الكبير الراحل هاني شاكر شوفت مصر كلها والعالم العربي كله بيعزي في هاني وهذا الرجل بالفعل متعنا وأنا عرفت الحب على أغانيه». 

وأضاف خلال لقائه عبر برنامج «كلام الناس» مع ياسمين عز المذاع على قناة إم بي سي مصر، «كان دمه خفيف جدا وطبيعته ونجاحه وخفة دمه كان كل ده وراه زوجته نهلة وبرضو من غير زوجته نهلة مكانش هيبقى في هاني شاكر كده». 

ممدوح موسى معلقا على فترة غيابه 

وفي سياق آخر، قال الإعلامي ممدوح موسى معلقا على فترة غيابه عن الساحة الإعلامية، قائلا إنه السبب هو الظروف، وإنه «كان في حرب زمان جامدة جدا عشان كنت بعمل برامج مختلفة وقبل كده كان في تغيير في الوزراء زمان فساعات كان في وزير مبيحبنيش». 

وأضاف، خلال لقائه عبر برنامج «كلام الناس» مع ياسمين عز المذاع على قناة إم بي سي مصر، «فأنا وقفت شوية وبعد كده رجعت في عام 2015 عملت برنامج ومن وقتها بعمل برنامج لحماقي والبرنامج ده حضرناله لمدة 10 سنين وسافرنا 20 أو 30 دولة وخد مني مجهود جامد جدا وخد من حماقي برضو مجهود»، معلنا عن عمله الجديد الذي يعد له حاليا يخص الفنان عادل إمام. 

وتابع: «أن مشروع حماقي تم البدء فيه منذ عام 2016 وروحنا أمريكا ورومانبا وتونس وغيرهم كتير من البلاد وتقريبا صورت 40 حفلة معاه». 

ممدوح موسى ينتقد تصرف فتاة 

وفي سياق آخر، وجه الناقد الإعلامي ممدوح موسى انتقادًا لتصرف إحدى الفتيات المشاركات في برنامج طبخ تلفزيوني على قناة مودرن، بعد ظهورها جالسة أعلى منضدة المطبخ خلال التصوير.

ونشر موسى مقطع فيديو قام بتصويره من التلفاز، مُشيرًا إلى أن العفوية مقبولة داخل المنزل، لكنها لا تتناسب مع الظهور على شاشة التلفزيون، معتبرًا أن وجود توجيه مناسب للمشاركات كان سيجنب مثل هذه المواقف.

وقالت الإعلامية ياسمين عز، «الزمالك ده حبيب قلبي من جوا أنا بقالي يومين مش عارفة أنام قلقانه وكل ده عشان الزمالك هيلعب نهائي الكونفدرالية الإفريقية». 

وأضافت، خلال برنامج «كلام الناس» المذاع على قناة إم بي سي مصر، « إحنا شايفين الفترة اللي فاتت الزمالك ماشي زي القطر القشاش اللي مبيقفش في محطات نازل واكل طالع واكل مبيخسرش مبيتعادلش لا فارق معاه إصابات ولا صفقات ولا حوارات ولا حكام ولا إيقاف قيد».