أحمد علي صقر عن رقيب أول شهيد إبراهيم الوليلي: «محلمش يملك قصور»

قال رقيب أحمد علي صقر عن رقيب أول شهيد إبراهيم عبد الشافعي الوليلي: «إبراهيم كان أقدم واحد فينا كان أقدم صف ضابط، حب العسكرية وحب الالتزام، لو الميعاد الساعة 7، تلاقيه موجود 7 إلا 5 قبل الناس».

استشهاده كان غالي علينا كلنا

وتابع: «كان حنين على كل الناس اللي حواليه واستشهاده كان غالي علينا كلنا، بس إحنا ما ينفعش نقف.. كلنا كنا زعلانين على حاجة واحدة بس، وأنا أكتر واحد زعلت، إن أنا ما تصورتش معاه في الصورة الأخيرة، أنا لحد النهاردة زعلان إن مفيش صورة تجمعني بيه، ودي الصورة الأخيرة اللي كلنا كنا نتمنى نكون في الكادر بتاعها ويكون هو أول واحد فينا».

 محلمش يبقى نجم شاشة

وأضاف، خلال فيلم «الصورة الأخيرة» المنشور عبر الصفحة الرسمية للمتحدث العسكري، ضمن سلسة «حكاية بطل»: «محلمش يملك قصور ولا فدادين، ولا يبقى عنده سيولة بالملايين ما حلمش يبقى نجم شاشة ولا مرة تلمع صورته في الجرانين، كان كل همه وقوته وروحه يحمي الوطن.. يحمي الوطن.. يحمي الوطن ويؤمن البلد».

قال نقيب عبد المنعم وجيه النجار، عن رقيب أول شهيد إبراهيم عبد الشافعي الوليلي: «وصلت الأوامر للمجموعة بالتحرك لمرزعة في منطقة جلبانة موجود فيها 2 فرد تكفيري.. دخلنا المداهمة واستمرت من واحدة وربع الظهر لـ 4 فجرا واستطاع الشهيد تصفية أكثر من 3 عناصر تكفــ يرية واستشهد برصاصة اخترقت الصدر». 

المتحدث العسكري يطرح البرومو الثالث والأخير لسلسلة «حكاية بطل»

لتوثيق تضحيات القوات المسلحة.. المتحدث العسكري يعلن عرض "حكاية بطل" السبت

قصة المزرعة والتكفيريين

وأضاف، خلال ظهوره في فيلم«»، المنشور عبر الصفحة الرسمية للمتحدث العسكري: «يوم السبت يوم 10 سبتمبر 2022 كان يوم يعتبر طالعين إن احنا ندي روح معنوية للمزراعين اللي في المكان، نقعد معاهم، نطمن عليهم، نسأل على أحوالهم، حد بيبوظ محصولهم التكفيرييين بياخدوا منهم أي حاجة فقعدنا معاهم فرد عرباوي نشرب كوباية شاي، وجالنا معلومات إن في 2 عنصر تكفيري في أحد المزارع في منطقة جلبانة وبصينا على الإحداثي، قائد المجموعة بتاعتنا بص للبطل إبراهيم وقاله يا إبراهيم انت عارف احنا رايحين على فين قاله على المزرعة اللي انت قولت عليها من يومين».