«آثاره لم تنته بعد» إحدي ضحايا العوضي: مبعرفش آكل ولا اشرب وبيجيلى في الحلم

في منشور مؤثر عبر «فيس بوك»، روت هبة أحمد تفاصيل معاناتها مع المرض خلال الأيام الماضية، قبل أن تكشف عن حلم غريب جمعها بالطبيب الراحل ضياء، في كلمات أثارت تفاعلا واسعا بين المتابعين.

وقالت: «أنا تعبانة أوي من الخميس اللي فات، وتعبي اشتد الجمعة، كحة شديدة وسخونة وعرق غزير، لا قادرة آكل ولا أشرب حتى المياه، وكنت خلاص بتشاهد معرفتش آكل غير بطاطس مسلوقة».

وأضافت: «والليلة دي حلمت بدكتور ضياء الله يرحمه، قاعد في بلكونة الشقة اللي جنبنا ودي شقة فاضية خالص، بس معانا مفتاحها، صاحبها سايبهالنا، أول ما شوفته قولتله: دكتور ضياء، والله كنت حاسة إنك لسه عايش، لقيته بصلي كده وقالي: لا، هما موتوني فعلًا، بس أنا فضلت عايش».

وتابعت: «وأنا فضلت أتلفت من البلكونة يمين وشمال، خايفة لا حد من الناس اللي أذوه يكتشف وجوده وييجي يأذيه تاني، وفجأة صحيت على صوت أذان الفجر».