مصطفى قمر يستعيد ذكرياته مع هاني شاكر: بعيط ومش قادر أسيطر على نفسي
تحدث الفنان مصطفى قمر عن علاقته بالفنان الراحل هاني شاكر، والذي وافته المنية يوم الأحد الماضي عن عمر ناهز 73 عامًا، بعد صراع مع المرض.
وقال مصطفى قمر خلال مداخلة هاتفية مع برنامج البصمة الذي يقدمه الإعلامي محمد الغيطي عبر قناة الشمس 2:"أنا مش قادر أصدق.. من وقت الخبر وأنا قاعد أعيط ومش قادر أسيطر على نفسي، لأن ذكرياتنا مع الأستاذ هاني شاكر جميلة جدًا، وتاريخنا وعِشرتنا كبيرة".
وأضاف:"صعب جدًا تلاقي المستوى الفني الراقي مع الأخلاق الراقية، والأستاذ هاني كان في قمة الرقي، وده اللي بنتعلم منه القيم والثبات على المبدأ".
وتابع: “عمري ما شفته مكشر، وعمره ما زعل حد، وكان متماسك دايمًا، وهادي ومحترم في كلامه حتى لو الكلام اللي قدامه قاسي.. كان يطلع يجامل الناس ويغني مع أي فرقة موجودة ويقول كلام حلو للناس.. التواضع فعلًا من شيم الكبار”.
وعن إمكانية إعادة تقديم بعض أغانيه، قال:"الأجمل إننا نفضل نسمع الأغاني بصوته هو، لأن محدش يعرف يغنيها زي ما غناها أبدًا، ولا يقدر يقدم نفس الإحساس».
وأكمل:"الأستاذ هاني غير الفن كان وطني ويعشق تراب مصر، وكل القيم اللي عايز تعلمها لأولادك هتلاقيها فيه".
