«رجع داس عليه تاني».. شقيقة سفيان تكشف تفاصيل صادمة في وفاته داخل كمبوند بالقاهرة

في كلمات يملؤها الحزن والغضب، خرجت ديانا عويس، شقيقة الطفل سفيان، لتروي تفاصيل اللحظات الأخيرة في حياة شقيقها، مؤكدة أن ما حدث «لم يكن حادثا»، بل «جريمة متعمدة»  بحسب وصفها.

وقالت ديانا، في منشور عبر «فيس بوك»، إن شقيقها سفيان، البالغ من العمر 16 عاما، توفي يوم 1 مايو داخل أحد الكمبوندات التابعة لجهة «كان من المفترض أن توفر الأمان والحماية».

وأضافت: «أنا أخت سفيان، الله يرحمه، واللي حصل مش حادث دي جريمة متعمدة، أخويا سفيان اتوفى يوم 1/5 داخل كمبوند تابع لجهة المفروض توفر الأمان والحماية، في البداية ناس كتير قالت إنه حادث، لكن الحقيقة إن بعد ما العربية خبطته والسواق هرب، بعدها رجع مرة تانية وداس عليه أمام الناس، آه رجع وداس عليه تاني».

تابعت: «ومعانا فيديو بيثبت اللي حصل، وموضح كل حاجة للأسف والتحقيقات لحد دلوقتي ما وصلتش لحقيقة اللي حصل كاملة، رغم وجود فيديو واضح، أخويا طفل عنده 16 سنة، مرمي على الأرض لا حول له ولا قوة بعد الدهسة الأولى، ومع ذلك العربية رجعت عليه مرة تانية قدام أعين الناس وناس شافت الحقيقة كاملة للأسف».

استكملت: «ورغم كل ده، القضية لسه متوصّفة قتل خطأ إزاي يبقى خطأ وهو رجع بعد ما هرب؟، إحنا مش طالبين غير حق سفيان وإن الحقيقة تظهر وإن اللي عمل كده يتحاسب على اللي عمله فعلًا، حق سفيان مش هيضيع».