إسلام فوزي يطمئن جمهوره على حالته بعد وعكته الصحية: ضغط شغل وتوتر |فيديو
طمأن اليوتيوبر والممثل ومقدّم البرامج إسلام فوزي جمهوره على حالته الصحية بعد تعرضه لأزمة صحية مفاجئة، مشيرًا إلى أنه كان يعاني من هبوط ودوخة بسبب ضغط العمل والتوتر، كما عبّر عن استيائه من انتشار أخبار تعرضه لوعكة صحية، مؤكدًا أن ذلك سبّب إزعاجًا كبيرًا لأسرته.
وقال إسلام فوزي في فيديو نشره عبر صفحته بموقع فيسبوك: “أنا في البيت وكويس وزي الفل، وفرحان ومبسوط لأني مكنتش أعرف إني غالي عند الناس أوي، أنا تعبت الخميس حسيت دوخة ومهبط وعملت فحوصات".
التعب بسبب ضغط الشغل والتوتر
وأضاف إسلام فوزي: "تعبت زي أي حد ورحت المستشفى وده شيء طبيعي مش هتعب أروح الورشة يعني، والفحوصات بيّنت إن التعب بسبب ضغط الشغل والتوتر، اللي أغلبنا بيعاني منه”.
وأضاف إسلام فوزي:" مش لازم لما اتعب تنزلوا خبر، لأن ده سبب قلق لأهلي وأنا مكنتش قايل لهم لأنها مش أول مرة تحصل ومكنتش عاوز أخضهم، ولما مراتي ياسمين نزلت بوست الموضوع كبر أوي والناس بدأت تشيره، أنت كده ممكن تسبب لي أذى أكتر بكتير لو تعبان خاصة إني مش عارف ارتاح من التلفونات".
وتابع إسلام فوزي: “الحمد لله جت سليمة وعدت على خير واتعلمت حاجات كتير هقول لكم عليها في فيديو تاني، لأن الدنيا مش مستاهلة، ومهما كنت مرتب ربنا له ترتيبات تانية خالص”.
كانت ياسمين عبيد، كشفت تطورات الحالة الصحية لزوجها بعد نقله إلى المستشفى الخميس الماضي، حيث كتبت عبر صفحتها بموقع انستجرام من خلال ستوري: “صباح الخير فضلاً وليس أمرًا دعوة حلوة لإسلام بالشفاء العاجل يا رب وإن ربنا يطمنا عليه.. لسه بنعمل فحوصات عشان نطمن عليه هو بيتحسن الحمد لله بس لسه تعبان”.
واعتذرت زوجة إسلام فوزي عن عدم الرد على الرسائل والمكالمات، إذ كتبت:"شكرًا لكل الناس اللي بعتت واتكلمت وآسفين أننا مش قادرين نرد على كل الرسايل والمكالمات عشان نطمنكم بس إن شاء الله خير وهيبقى فلة ويرجع لكل الناس اللي بتحبه ومفتقداه"
