عمرو أديب: الراجل اللي قلك على نظام الطيبات مات وهو عنده 46 سنة
علق الإعلامي عمرو أديب، على خطورة نظام الطيبات الذي روج له الطبيب الراحل ضياء العوضي، قائلا: «الناس اللي عندها سكر لو وقفت إنسولين هتموت، واللي بتاخد كيماوي هتتبهدل، واللي عنده ضغط هيحصله بلاوي.. الموضوع مش هزار».
تذهب الحرية للجحيم
وانتقد فكرة «الحرية الشخصية» في هذا الموضوع،: «تذهب الحرية للجحيم في الحتة دي.. دي مش حرية، دي حياة ناس.. اللي بيقول حرية.. جرب يمكن ربنا يكرمك».
وتابع خلال حلقة اليوم من برنامج الحكاية: «كل واحد بيتعالج حالة غير التانية، مش معنى إن حد قال حاجة نمشي وراه وخلاص، لو انت تعرف واحد اتعالج أنا أعرف 100 ماتوا بسبب الكلام ده، مواصلا: «اللي بيروج للكلام ده شريك في الجريمة.. شريك في قتل طفل أو ست أو راجل كبير».
وأضاف: «إحنا بقينا نقول ما تفتيش في الكورة، إنما نيجي في الطب نفتي في السرطان والسكر والدهون.. يجب الضرب بيد من حديد.. أنا مش هسكت ومش هخاف».
وتابع: إحنا في بلد بتبني مستشفيات وبتصرف مليارات على التأمين الصحي، وحملنا مستشفى 57 على كتافنا اللي الأطفال واقفين فيها طوابير عشان الكيماوي وانت بتقولي وقف كيماوي، مش معقول تيجي تقول للناس سيبوا العلاج ويموتوا».
وأضاف: «أنا مش واقف عند ضياء العوضي، أنا واقف عند وعي مصر اللي باظ.. اللي مضايقني مش هو، اللي مضايقني إن الناس اللي بتصدق، وانتقد الوضع في مصر مقارنة بالدول الأخرى: «هو في السعودية أو الإمارات أو أمريكا حد بيمش ورى الخرافات دي.. بس بيحصل في مصر.. احنا بنجرب في نفسنا»، وتابع: «هو لو النظام ده صحيح.. ليه الرئيس الأمريكي مرفعش التليفون وكلم ضياء العوضي عشان يعتمد على نظام الطيبات ويوفر مليارات بتصرف على التأمين الصحي».
وقال الإعلامي عمرو أديب: اللي عمله وروج له ضياء العوضي جريمة.. والنكتة اللي محدش فاهمها رغم نصايحه الراجل مات وهو عنده 46 سنة.. عندي تخيل الراجل ده مات إزاي.
وفي سياق متصل، قال أديب: «يا جماعة اللي بيحصل ده انهيار وعي.. أي دواء في الدنيا ليه أبحاث ونتائج وناس متخصصة، إنتو مش عايزين الناس تخف ولا إيه؟».
مدفع رشاش بيموت الناس
وأضاف: «اللي بيجنني بقى إن في مثقفين يقولك كل واحد حر.. يعني إيه حر!.. أنا أشوف واحد ماشي في الشارع بمدفع رشاش وبيضرب في الناس وأسكت وأقول هو حر!».
