يوسف الحسيني يشيد بوزارة البترول: بتشتغل بمنتهى النشاط والقوة

قال الإعلامي يوسف الحسيني: «أنا بادئ حلقة اليوم الحقيقة بمنتهى السعادة لأسباب كتير جدا.. السبب الرئيسي فيها هو إن ربنا سبحانه وتعالى عايزنا في مصر هنا نعدي، يعني نتحرك.. ربنا من وقت للتاني بيهدينا ويجبر بخاطرنا ويفرجها علينا».

“الحسيني” يشيد بوزارة البترول والثروة المعدنية

وأضاف: «مثلا، تجد تحديدا في وزارة البترول والثروة المعدنية اللي بتشتغل بمنتهى النشاط والقوة، حاجات كتير اتعملت على صعيد يمكن اتكلمنا فيه قبل كده كتير».

وتابع: «وزارة البترول كان عليها مديونيات للشركات الأجنبية الشريكة.. الشركات دي لما بتشتغل معانا بيبقى لها مستحقات، وكان في بعض المستحقات دي متأخرات أو مديونية، وكنا بنتكلم على مليارات من الدولارات أو اليوروهات».

وواصل: «لكن الحقيقة بنشاط شديد جدا وبكفاءة شديدة سواء في غدارة الاكتشافات أو المخزون اللي ربنا كتبه لنا، قدرنا إن احنا نسدد جزء كبير جدا جدا من هذه المديونية المليارية».

المتبقي 714 مليون دولار فقط لا غير

وأوضح بالأرقام: «احنا كان علينا 6.1 مليار دولار متراكمين من 30/6/2024، ووصلنا دلوقتي في 2026 إن احنا صفينا الجزء الأكبر منها، والمتبقي بقى 714 مليون دولار فقط لا غير».

واستكمل: «يعني ببساطة من 6100 مليون دولار بقى علينا 714 مليون بس.. واحنا منتظرين ايه؟ خلال 60 يوم هتبقى المديونية صفر.. صفر».

وشدد: «يعني بنهاية السنة المالية الحالية 30/6/2026 بعد حوالي 59 يوم هتبقى مديونيتي صفر.. مفيش عليا حاجة خالص».

وفي سياق آخر، كان قد علق الإعلامي يوسف الحسيني على الحرب الأمريكية الإيرانية، متوقعًا عدم تجدد  اطلاق النار مرة آخرى، حيث أن المقترح الإيراني يركز على إنهاء الحرب ورفع الحصار.

جاء ذلك عبر تغريدة نشرها على صفحته الرسمية بمنصة “ إكس" قائلًا:" لن يتجدد اطلاق النار بين اميركا و طهران المقترح الإيراني: التركيز على إنهاء الحرب وفتح مضيق هرمز أولاً، مع تأجيل المفاوضات المتعلقة بالملف النووي إلى مرحلة لاحقة ايران مستعدة لمناقشة جادة و فاعلة لإعادة فتح المضيق مقابل الحصول على ضمانات بوقف الهجمات ورفع الحصار المفروض عليها".