بعد واقعة ضرب أب لإبنه.. ياسمين عز: أنا بقول للأم متسيبيش حق إبنك
علقت الإعلامية ياسمين عز على ماتم تداوله حول قيام أم بتصوير طليقها وهو بيضرب إبنهم بشكل عنيف في احد النوادي بدمياط، قائلة: «هذا المشهد هو تلخيص لما نقوله وما نتحدث فيه مشاكل الأم مع الأب الطفل ذنبه اي يعني في أبهات بيتمنوا يشوفو ضفر عيالهم وفي من لا يستحقوا لقب أب».
وأضافت ياسمين عز، خلال برنامج «كلام الناس» المذاع على قناة إم بي سي مصر،« جبت منين القلب والجبروت إنك تمسك طفل صغير لا حول له ولا قوة تنزل فيه ضرب وسبحان الله تطلعلك كاميرا من مكان ما وتصورك وتشوف نفسك لو شوفت نفسك كده وانت بتأذيه بتقول لنفسك اي طب لما انت بتإذيه بالعنف ده رايح تشوفه ليه ».
إحنا مفهمناش هو ليه ضرب الإبن
وتابعت: «إحنا مفهمناش هو ليه ضرب الإبن ولا اي المشاكل يمكن اكيد في مشاكل كبيرة بين الأم والأب والإبن ده لما يكبر بقا ربنا معاه وهل هيبقى سوي نفسيا وهيبقى شايف أبوه إزاي، يعني انت كأب شايف ابنك ساعتين في الأسبوع رؤية بدل ماتحن عليه وتعوضه عن غيابك نشوف المنظر اللي شوفناه ده».
وأوضحت: «أنا بقول للأم دي إذا في حاجه تحاسب الأب ده اعمليها شوفي القانون بيقول اي واعمليها لأنه في أبهات لا يستحقوا لقب أب ».
وفي سياق آخر، علقت الإعلامية ياسيمن عز، على واقعة المطرب أمير عيد في وفاة والد طليقته الفنانة ليلى فاروق، قائلة: «الصحفيين بتوعنا المحترمين عارفين إيه يتعمل وإيه ميتعملش لكن في ناس بيقولوا إنهم صحفيين هم مش صحفيين أصلا، وهنا الفنان في لحظة بيتحول لشخص ممكن يصدر منه حاجة مجتمعيا مش لائقه لأنه في الأول وفي الأخر إنسان، وأنا مش بدافع عنه ولا ببررله هو عمل إيه لكن إحنا ليه بنشوف الفنان رسمة وبعدين أصلا ليه الناس اللي بتصور تروح على عزا والد طليقته يعني».
وأضافت، خلال حلقة اليوم من برنامج «كلام الناس» المذاع عبر شاشة ام بي سي مصر: «أنا مش بدافع لكن ما قبل ذلك عملوا إيه؟؟.. هتلاقي واحد دخل موبايل في بقه وواحد خبطه وواحد تاني أداله كتف زي كتف زيزو في ماتش الأهلي.. معنديش تعليق علشان هيبقى عذر أقبح من ذنب وهيقول إني بدافع لكن هو رايح يؤدي واجب أنا معرفش مين المسؤول لكن لازم نحط حد للموضوع ده».
