«حرقتوا قلبي 3 مرات».. عمرو أديب للزمالك: لازم نجيب لكم دكتور نفسي
قال الإعلامي عمرو أديب، عقب فوز الأهلي بثلاثية مقابل لاشيء: «يعني النهارده الأهلي قرر يبقى فريق بطولات وجمهوره جبار ويعمل كل الأشياء البايخة الرزلة اللي مفيهاش إنسانية ويكسب.. مفيش حاجة بتتغير.. كل مرة الأهلي يقابل الزمالك، الأهلي يجيب جون في بداية الماتش».
الأهلي كسب و الزمالك شال الهم
وأضاف «أديب» خلال برنامجه «الحكاية» عبر شاشة «mbc مصر»، مساء الجمعة: الأهلي كسب 3 أهداف والزمالك خد الحاجة اللي بياخدها علطول النكد والهم، متابعا: الزمالك هو اللي قدم الأهداف للأهلي.
الأهلي كان مطلع طائرات إف 16
وقال أديب: «أي ماتش أهلي وزمالك لازم يحصل السيناريو ده.. فين المنافسة.. هو فيه فرقة تجيب هدفين من كرتين راجعين من الدفاع.. ليه الأهلي لما بيهاجم بيبقى الزمالك مفتوح ولما الزمالك يهاجم يبقى الأهلي مقفول.. الأهلي كان بيهاجم كأنه مطلع طائرات إف 16».
الزملك لازم ينكد على عمرو أديب
وتابع: «الأهلي قرر يعمل كل الأشياء الرخمة والرزلة.. والزمالك هو اللي إدى الكرة للأهلي للتسجيل.. وحسام عبدالمجيد سبب أهداف الأهلي.. الأهلي خد اللي هو متعود عليه والزمالك خد اللي هو متعود عليه وهو الزعل والنكد.. الأهلي معندوش مانع يخسر الدوري والكأس لكن أهم حاجة يكسب مباراة القمة وينكد على عمرو أديب.. الأمر تحول إلى مسألة شخصية جدا أمام الزمالك».
الأهلي ملعبش بنكلة السنادي
وواصل: «الزمالك كان بيلعب قدام فرقة فيها نجوم سوبر زي تريزيجيه وإمام عاشور وبن شرقي.. فرقة منزلة زيزو اللي بـ80 مليون جنيه بلعب آخر 5 دقائق.. لكن إحنا بنكمل مرتباتنا لآخر الشهر».. وتابع: «لازم نجيب دكتور نفسي للزمالك يقعد معاهم يفهمهم إن الضحات بني آدم زيهم.. هو الأهلي لعب بنكلة السنة دي ولا عمل أي حاجة طول الموسم.. ولا له أي لازمة.. كل اللي عمله إنه لعب ماتش النهاردة».
عمرو أديب قلبي احترق 3 مرات
وقال أديب: لو الزمالك مخدش الدوري السنادي.. تاني لو الزمالك مخدش الدوري السنادي أنا... مش قادر أقولها... أنا خلاص تعبت وقلبي احترق 3 مرات وكنت خايف يحترق للمرة الرابعة.. بقالي 63 سنة بشجع فرقة مبتكسبش، وأضاف: الأهلي خد الدوري من الزمالك وبيراميدز دون أن يفعل شيء.. وخالف قاعدة من جد وجد ومن زرع حصد.
