إبراهيم سعيد يشيد بحسن شحاتة: أسطورة حقيقية ورمز كبير في تاريخ الكرة
أشاد إبراهيم سعيد بالكابتن حسن شحاتة، مؤكدا مكانته الكبيرة في تاريخ كرة القدم المصرية، سواء مع نادي الزمالك أو منتخب مصر.
وقال إبراهيم سعيدعبر حسابه على فيس بوك: «بإجماع ده الأسطورة الحقيقة وتاريخ لنادي الزمالك والمنتخب المصري، كان أي حد يتمنى يقابله ويتكلم معاه، اسمه الكابتن حسن شحاتة.
وأضاف أن الكثيرين تعرفوا على كرة القدم ومتعتها من خلاله، مشيرا إلى دوره الكبير في تشكيل وعي الجماهير الكروية، إلى جانب الكابتن محمود الخطيب.
وأوضح أنه قد يختلف معه في بعض الآراء، لكنه شدد على ضرورة عدم التقليل منه أو الإساءة إليه، قائلًا: «اختلف معاه، بس عيب التقليل والغلط فيه، ده رمز كبير جدا في تاريخ كرة القدم».
وتابع: «بإجماع، ده الأسطورة الحقيقة وتاريخ لنادي الزمالك والمنتخب المصري كان أي حد يتمنى يقابله ويتكلم معاه، اسمه الكابتن حسن شحاتة، إحنا عرفنا الكورة والمتعة عن طريقه، هو والكابتن محمود الخطيب، اختلف معاه، بس عيب التقليل والغلط فيه، ده رمز كبير جدًا في تاريخ كرة القدم، وكمان ده اتكلم عن لاعب عادي، وبتفق معاه في كلامه، كمان ده كابتن حسن شحاتة اللي بيتكلم ويقيم، فاهمين، طول العمر ليك يا كابتن، ودايمًا نستفيد ونتعلم منك يا معلم»
وفي منشور له على منصة «إكس»، قال نجم الكرة السابق أحمد حسام ميدو إن الكابتن حسن شحاتة قدّم خلال أحد البرامج كلاما لدعم النادي الزمالك، مشيرا إلى أنه عبّر عن امتنانه للنادي وللاعبين، كما أشاد بالكابتن معتمد جمال وبعدد من اللاعبين، واعتبر أن ما قاله عن اللاعب بيزيرا كان مجرد تعليق بسيط ولم يكن فيه أي تقليل منه.
وأضاف ميدو: «كابتن حسن كل كلامه دعم للزمالك وحلقات كلها امتنان للنادي ودعم للكابتن معتمد جمال ولكل اللاعبين وقال بيزيرا لاعب كويس وكان عنده تعليق صغير عليه ولم يقصد أبدا التقليل منه، يقوم ناس كتير على السوشيال ميديا تعلقله المشانق بدل ما يركزوا على كل الكلام الجميل اللي من القلب عن حبه وعشقه للزمالك».
تابع ميدو: «للأسف ناس كتير مابقاش عندها رحمة ولا تقدير حتى للسن، وأنا والله لو أعرف إن حالتنا بقت كده كنت شلت الكلمتين دول من الحلقة، أنا بعتذرلك يا كابتن حسن عن أي تطاول حصل عليك وربنا يهدي الجميع، الأسطورة حسن شحاته».
وفي وقت سابق،قال الإعلامي أحمد حسام ميدو، إن نادي الزمالك وضع نفسه بموقف صعب عقب التعادل مع إنبي في منافسات الدوري.
وقال ميدو عبر برنامجه أوضة اللبس على قناة النهار: “الزمالك ورط نفسه بنفسه بعد التعادل مع إنبي، كان لازم يخلص المباراة، لكن للأسف ده ما حصلش”.
وأضاف: “إنبي لعب مباراة كبيرة جدًا، خاصة على المستوى الدفاعي كانوا منظمين بشكل ممتاز، واعتمدوا على التحولات وخلقوا فرص حقيقية، وده صعب المهمة على الزمالك بشكل واضح”.
وواصل: “أي أهلاوي لو مش هيكسب الدوري، طبيعي يتمنى إن الزمالك ما يكسبوش، ويفضل أي فريق تاني ياخد اللقب”.
