عارفة عبدالرسول : أبويا ضربني علشان قرش صاغ ومعيطش على وفاة جوزي
كشفت الفنانة عارفة عبدالرسول أسراراً في حياتها الشخصية منها ذكرياتها مع والدها منذ الصغر، وطريقة تعاملها مع وفاة زوجها في العام الماضي، وذلك خلال حوارها مع الإعلامية إنجي علي، في برنامج أسرار النجوم، عبر إذاعة نجوم إف إم.
أبرز تصريحات عارفة عبدالرسول في أسرار النجوم
وقالت عارفة عبدالرسول عن تحقيق نجومتيها في سن كبير : "جيت القاهرة وأنا عندي 52 سنة، وبدأت أعافر زي الشباب عصام عمر وأحمد مالك وطه دسوقي، وكنت بلف على مكاتب الكاستينج".
حديث عارفة عبدالرسول عن والدها
وعن والدها تابعت عارفة : "أكتر حد مفتقداه أبويا، لأن أنا وهو كنا ناقر ونقير، واشتغلت معاه وأنا عندي 3 سنين في محل بقالة لحد لما بقى عندي 30 سنة، وكنت بركب عجلة وأروح أجيب له البضاعة، وأقطع الجبنة الرومي والبسطرمة، وكنت باخد علقة من أبويا لو قطعت حتة غلط أو غلطت في الحساب، ومرة ضربني علشان قرش صاغ زيادة إديته لزبون بالغلط".
سبب عدم بكاء عارفة عبدالرسول على وفاة زوجها
وعن زوجها، اختتمت عارفة عبدالرسول : "أكتر سؤال مش بحب حد يسألوهلي عن حالات الوفاة، وإني ليه معيطش لما جوزي توفى، وهو توفى السنة اللي فاتت ومحزنتش ومعيطش، ولا حسيت إن في اختلاف في حياتي، لأنه كان عايش في الإسكندرية وأنا عايشة في القاهرة، ولسه حاسة إنه موجود، وفي الآخر كلنا هنموت، وهو مامتش صغير أو اتخطف".
