شعبه الخضروات: البطيخ سعره قل والكنتالوب في متناول كل مواطن مصري

قال الدكتور حاتم النجيب نائب رئيس شعبه الخضروات والفاكهة بالغرفة التجارية: «تصريح إللي مش عاجبه سعر البطيخ يجيب موز أو كنتالوب ده مش حقيقي ومخرجش عن لساني ولا يمط لينا بصلة أنا قلت إن في تحركات لبعض المنتجات علشان تتراجع سعرها في خلال أسابيع والحمد لله بقى لنا أربع أيام في تراجع مستمر نتيجه زياده المعروض للأسواق».

وأضاف، خلال مداخلة هاتفية له في برنامج «كلام الناس» المذاع عبر شاشة ام بي سي مصر، مع الإعلامية ياسمين عز: «إحنا متابعين مع رئيس الوزراء فعلا في حاجات انخفضت زي الطماطم وبناكد لكل أهالينا إللي عايز ياكل أي منتج براحته، لكن إحنا عندنا توقيت للزراعة وفي بعض عوامل جوية ممكن تاثر على المحاصيل وقلت كمان إن تكلفه الإنتاج زادت بسبب الأحداث العالميه لكن مقلتش إللي مش عاجبه البطيخ ياكل الموز والكلام ده خطأ».

وتابع: «إحنا بنطلع للناس نصارحها ونطمنها ونقولها الحقيقه ونقول إن إحنا عندنا مواسم وده طبيعي وعلى أرض الواقع لكن مقلناش إللي مش عاجبه ياكل أو مياكلش ده كلام مخرجش على لساني».

وأردف: «عايزين نبشر الناس الخوخ انخفض والبطيخ انخفض والكنتالوب في متناول كل مواطن مصري، والبطيخ ب٧٥ ل ١٢٠ جنيه وفي أسواق التجزئه من 100 ل 150 وهتنخفض أكتر لما يكتر المعروض، وكمان ورق العنب والبامية والملوخية والبطاطس والبصل كلها فيها انخفاض وده هيظهر في الأسواق خلال الفتره الجاية».

وفي وقت سابق، أجابت الإعلامية ياسيمن عز عن أسئلة أحد المتابعات حول علاقات الخطوبة الصحية قائلة: إزاي اعرف إني في علاقة حب صحية؟"، لترد عليها قائلة: بصي على جهازك العصبي مش الهضمي لأنه مش مؤشر، لو لقيتي نفسك بتمشي بسرعة أو بتتعصبي بسرعة مش مرتاحة متقدريش تنامي من كتر التفكير، مش رايقة، ووبتزلطي الأكل ومش بتلعبه، وبتشربي النسكافية على بق واحد، و كدا جهازك العصبي في خلل، وكدا في علاقة غير صحية.

علاقات الخطوبة الصحية

وأضافت ياسمين خلال برنامجها اليوم "كلام الناس"، المذاع عبر فضائية "إم بي سي مصر": من غير متروحي لطبيب أنا طببتك وخدي مني الكلام ووفري الكشف، ده علاقة غير صحية والعكس صحيح، ولو لقيتي نفسك باردة وتلجة زيي كدا يبقلا أنتي في علاقة صحية، حبية ومهلبية من غير دكاترة ولا احزنون".