تامر حسني يوجه الشكر للصحفيين والإعلاميين ممن أيدوا مناشدته بشأن الغذاء
وجه الفنان تامر حسني الشكر، لجميع الصحفيين والإعلاميين ممن أيدوا مناشدته الأخيرة لوزارة الصحة بخصوص الفتنة الغذائية.
وكتب تامر حسني عبر حسابه بموقع إنستجرام عبر خاصية القصص القصيرة: "كل الشكر لكل دكتور محترم وكل إعلامي وصحفي محترم وكل شخص على السوشيال ميديا محترم أيد مناشدتي و أسئلتي الطبيعية اللي كل الشعب كله نفسه يعرفلها إجابة بخصوص الفتنة الغذائية اللي بقينا عايشين فيها".
وسبق أن ناشد الفنان تامر حسني عبر حسابه الرسمي بموقع إنستجرام وزارة الصحة والسكان لعمل فيديوهات توعوية وتقديم نصائح من قبل أطباء متخصصين عن النظام الغذائي السليم، بالتزامن مع انتشار ما يُسمى بالفتنة الغذائية بعد نظام الطيبات الذي أطلقه ضياء العوضي.
وعبر حسابه كتب تامر حسني: “في ظل الفتنة الغذائية اللي حاصلة في مصر وحديث كل الناس دلوقتي عن إيه المفيد لينا وإيه المضر هل ممكن أناشد وزارة الصحة المصرية وكبار الدكاترة المختصة وأصحاب المستشفيات بردود كافية فيها شرح مفصل عن إيه الأكل المفيد لينا وإيه اللي مش مفيد وياريت يكون شرح مفصل يفهمه الشخص العادي من غير أي مصطلحات طبية أجنبية؟ أناشد وزارتنا المصرية تعملنا ڤيديوهات حد يطلع يكلمنا بالعامية ويرد بالتفصيل وبالأدلة العلمية على كل ده وياريت يساعدني صديقي المحترم الأستاذ الفاضل أيمن عباس بما إنه صاحب أكبر المستشفيات ياريت يطلعلنا دكاترة من عنده مختصة يعملوا ڤيديوهات ترد على كل اللي حاصل في مجتمعنا وبناشد برضو الدكتور العظيم، مجدي يعقوب يدينا من خبرته العظيمة والدكتور الكبير حسام موافي ويساعدونا الفترة دي كشعب ويريحونا من الجدل الفظيع ده".
