إلهام وجدي: بعشق التحدي وأخدت 8 جوائز دولية في أول عمل فني
قالت الفنانة إلهام وجدي: «أنا سعيدة جدا بمشاركتي في مسلسل حكاية نرجس، وكان دور زينب في المسلسل تحدي كبير ليا، وأنا في حياتي عامة شخصية بتعشق التحدي».
وأضافت، خلال استضافتها في برنامج «الستات ميعرفوش يكدبوا المذاع عبر شاشة سي بي سي: «أنا شخصية بتحب التحدي من صغري لدرجة إن أهلي لما بيكونوا عايزين مني أنفذ حاجه صعبة بيقولولي لا مش هتقدري ولا هتعرفي».
وتابعت: «كنا بنقول إزاي فريق العمل كده كله بيحب بعض والكواليس كلها كانت ممتعة، وحقيقي كلهم كانوا بيشجعوني جدا جدا وكمان أحمد عزمي الأستاذ كان بيقولي أنا سعيد بشغلك وكمان حمزة العيلي وريهام عبدالغفور ده شيئ أسعدني جدا».
وواصلت: «دوري كان مختلف وأول ما شوفت اللي عامل دور ابني قولتله ماما مين انت متقوليش ماما دي أبدا».
التحضير للشخصية
وفي سياق حديثها عن تحضريها للشخصية، أكدت أنها استمدت الإلهام في هذه الشخصية من سيدة كانت تعمل لديهم في المنزل عندما كانت صغيرة، مضيفة: «كان عندنا ست أول ما بتدخل بتحط كحلة كده قديمة، أنا أول ما كنت هقدم الدور ده قولتلهم عايزة المكحلة دي ومش حقيقي كلام الناس إن السيدات من الطبقة دي مش بتحط مكياج خالص»
وعن أولى أعمالها، كشفت إلهام وجدي عن أول فيلم قصير في حياتها وهو فيلم توك توك، قالت: «الفليم ده أخد 42 جائزة دولية وأنا أخدت 8 جوائز دولية كأفضل ممثلة».
وفي وقت سابق، روت إلهام وجدي موقفا غريبا تعرضت له، قائلة إنها كانت مرتبطة بشخص لمدة عام، وسألته في مرة إي شكل البنات اللي بتحبها كاستايل؟ فوصف لي، ورديت عليه “ده مش ذوقك”.
قال لي انت متعجبنيش أصلا
وأضافت “وجدي” خلال لقائها مع الإعلامية منى الشاذلي على قناة أون، أن ردة فعله كانت غريبة، متابعة: قالي انت متعجبنيش أصلا انت بالنسبة لي مش ست".
ولفتت إلى أن هذا الموقف كان محرجا جدا، مواصلة: قلت له نسيب بعض، فرد عليا “إنت متتعوضيش”، وأشارت “وجدي” إلى أنها ردت عليه “أنا مش أباجورة ومش عايزة أشوف وشك تاني”
