سيد علي يفتح النار على إعلامي مصري: «سدد ديونك الأول وبلاش نفاق»
شن الإعلامي سيد علي، هجوما عنيفا على إعلامي مصري حاول تشويه صورة الدولة المصرية، قائلا: «أنا كنت بقول إن مش دي مصر والقاهرة اللي خلت واحد مصر خيرها عليه وعلى أخواته وولاده وكل حاجة في حياته يطلع يقول مصر اي اللي تساعد دول الخليج اللي بتقفل النور من الساعة 9، احنا وصل بينا نبيع بلدنا بهذا الشكل؟، مصر خيرها على الدنيا كلها».
سيد علي يهاجم: عيب أقول اسمك
وأضاف، خلال تقديم برنامجه «حضرة المواطن»، المذاع على قناة الحدث اليوم: «مصر في اللحظة اللي انت مش فاهم فيها خالص وتنافق من تقيم عندهم اللي هماا أكتر ناس عارفين مصر عاملة اي في اللحظة الراهنة دي، أنا مش هقول اسمك عشان عيب، وزعلان عليك، وانت مزعل مصر كلها منك، بل ومزعل كل واحد في العالم العربي بعلاقتك بإسرائيل وتدنيك ليهم ومهاجمة المقاومة يعني بتشتري حاجة رخصة اوي».
سدد الفلوس اللي عليك للأهرام
وتابع: «سدد الفلوس اللي عليك للأهرام، وسدد الفلوس اللي واكلها على زمايلنا كتير من الصحفيين، مين قالك يبني إن مصر مش موجودة الآن في قلب الخليج؟، هؤلاء الجدد الذين يتوحدون مع الصهاينة مش عايز أعيرهم اهتمام، عايز أقولك مصر مش بتتسول ولا بتشحت ولا تأكل بثدييها ولا تنافق ولا تبيع ماضيها ولا مستقبلها».
مستوى كبير من التدني والنفاق
وواصل: «مصر لو عايزة تعمل حاجة قانونية كانت خدت 250 مليار دولار وكانت اتسدت ديونها، وكانت خدت مجموعة من الفلسطينيين في سينا وكانت علاقتها بأمريكا وإسرائيل بقت سمن على عسل، ولم يكن يجرؤ أحد أن يتحدث عنها، إنما الرخص والتدني والنفاق دا هتخلي الناس مش هتحترمك، انت عايز اي؟ دي بلدك دي يبني اللي عملتك وعملت اسمك يعني أقولك اي بس خسارة إن الناس بتسقط وهي في نهايات العمر، أنا حزين لما بسمع الكلام دا».
