بعد واقعة 800 مليون مكملات.. ياسمين عز: أصل الدكاترة عندنا أغنياء
علقت الإعلامية ياسمين عز، على جدل مستريح المكملات الغذائية وهو أن أحد الأشخاص استطاع اقناع مجموعه من الأطباء أنه عنده مشروع استثماري ناجح في مجال المكملات الغذائية وطلب منهم يشاركوه بفلوسهم مقابل أرباح شهرية مغرية، قائلة: « المستريح حصل من الأطباء على مبلغ 800 مليون جنيه يعني فاضله 200 ويبقى مليار والمستريح كان مركز على الأطباء لأنه انتو عارفين أنه الدكاترة عندنا أغنياء ودخلهم كبير فقالك بقا الحاجات دي بالنسبه لهم شوية فكة وإنه الموضوع مرتبط بالنشاط الطبي والمجال الطبي وده خلى الثقة تزيد».
ماطل في دفع الأرباح واختفى
وأضافت ياسمين عز، خلال برنامج كلام الناس المذاع على قناة إم بي سي مصر، « بعد فترة لما بدأ أنه ميديهمش أرباح ويماطل في دفع الأرباح واختفى بشكل مفاجئ واتضح إنه نصاب وهرب برا مصر واستولى على 800 مليون جنيه أو أكثر ده خلى الضحايا الأطباء المحترمين يتقدموا ببلاغات رسمية في قسم شرطة العمرانية وفي كلام أنه عدد الأطباء اللي قدموا بلاغات تخطي الـ 100 طبيب».
وأوضحت ياسمين عز: « يعني 800 مليون على 100 طبيب يعني كل طبيب دافع 8 مليون جنيه يعني بـ 8 مليون جنيه فيتامينات»، مستكملة: « عمالين يقولولنا في الأفلام والمسلسلات يا جماعة مفيش حد يقولك هشغلك فلوسك حطها في البنك وبلاش حد يقولك نجيبلك ونعمل».
وفي سياق آخر، علقت الإعلامية ياسمين عز، على جدل قيام رجل في محافظة الغربية بتقديم نقطة بإحدى الأفراح بمبلغ مليون جنيه، قائلة: «الراجل نقط بمليون جنيه مستغربين ليه يعني في اي جماعه دي أقل حاجه عندهم دي أقل حاجه في الغربية والغربية عاصمتها طنطا».
وأضافت، خلال برنامج كلام الناس المذاع على قناة إم بي سي مصر، «أقل راجل في طنطا بيجيب لمراته بـ 100 ألف جنيه مشبك و 5 مليون جنيه دهب وكاتبلها الشقة باسمها فمستغربين ليه».
في طنطا محل دهب الحلويات
وأوضحت ياسمين عز: « الراجل في طنطا كل يوم بليل بينزل يجيب لمراته بـ 2000 جنيه حمص كل ألف في كيس لوحده عشان مراته بتكون زهقانه بتقعد تقزقز في البلكونه».
وتابعت ياسمين عز: «عندهم في طنطا محل دهب الحلويات أو دهب للحلويات يعني بيعملوا الحلويات عندهم من مايه الدهب ويأكلوها لمراتاتهم عشان كده تلاقي ستات طنطا والغربية حلوين كده وبيلمعوا والست عندنا هنا جوزها بيعملها الشاي بماية المجاري».
