ريهام سعيد: في وحدة شريره بتسحرلي.. وتهددها بالقانون
خرجت الإعلامية ريهام سعيد عن صمتها من خلال بوست عبر حسابها الخاص على موقع التواصل الاجتماعي "فيسبوك"، تكشف من خلاله إصابتها بالسحر.
وقالت ريهام، "في واحده شريره و شعرها ابيضّ بتسحر لي سحر رهيب عشان يتوقف حالي سرقت السبحه بتاعتي من شنطتي من ورايا، بقول للك ايه اتراجعي عن الكفر ده عشان البلد فيها قانون و أنا بحذرك لآخر مره".
قضية ريهام سعيد
وفي سياق آخر، أعلنت ريهام سعيد عن أنتصار جديد حققته في المحاكم اللبنانية ضد طبيب التحميل اللبناني نادر صعب.
ونشرت ريهام عبر حسابها على "إنستغرام" صورة لمحاميها محمد يموت، مشيدة بدوره قائلة: "شكراً للأستاذ محمد يموت، المحامي العظيم في لبنان، على إغلاق ملف إحدى القضايا. بانتظار انتهاء القضية الثانية... الحق راجع بإذن الله. شكراً للقضاء اللبناني العادل".
ريهام سعيد تهاجم محمد رمضان
انتقدت الإعلامية ريهام سعيد إطلالة الفنان محمد رمضان الأخيرة في حفله بأمريكا، وهي الإطلالة التي أثارت الجدل على مدى الساعات الماضية.
وقالت ريهام سعيد خلال تقديمها برنامجها "صبايا الخير" عبر قناة النهار: "أنا مكسوفة إني عرضت الصورة، محمد رمضان مش محتاج التريند وإن الناس تتكلم عنه، ولكن بعض النجوم عندهم فكرة لما يطلع عني خبر سيئ فهو دعاية كويسة، وده مش حقيقي في مصر، لأن الناس بتقيم الفنانين بطريقة مختلفة".
وأضافت ريهام سعيد: "عايزة أسأل سؤال، ليه المنظر ده؟ الجمهور اللي موجود في الحفلة كان أغلبهم مصريين ورافعين علم مصر، وأكيد المصريين اللي عاشوا في أمريكا مش هيلبسوا كده".
واختتمت ريهام سعيد حديثها قائلة: "عايزة أوجه رسالة من القلب للفنانين اللي ابتدوا يعملوا حاجات فيها تشبه بالنساء. حتى لو شايفين إن دي حاجة الغرب بيعملها ياريت ماننشروش في مجتمعنا قدام شبابنا وأولادنا إحنا مش ناقصين. بلاش الحلق والشعر يتصبغ أصفر، ولو عايز تلبس حلقه إلبسه في حياتك الشخصية".
وكان محمد رمضان أثار الجدل بإطلالته في حفله الغنائي في مهرجان "كوتشيلا فالي"، حيث ظهر بإطلالة تشبه "بدل الرقص" مع توب ذهبي وبنطلون أسود ووشاح مرسوم عليه "مفتاح الحياة".
