ترند الـ«see more» يجتاح فيسبوك والسبب «خوارزميات»
شهد موقع التواصل الاجتماعي فيسبوك خلال الفترة الأخيرة انتشار ترند لافت يتمثل في كتابة عبارة «See more» في نهاية المنشورات، وهي حيلة أثارت تساؤلات واسعة بين المستخدمين حول هدفها الحقيقي، خاصة في الحالات التي لا يتبعها أي محتوى إضافي بعد الضغط عليها.
وتدول رواد موقع التواصل الاجتماعي التريند، وكتب شادي أصلان: «لو كنت زيي ما تعرفش ليه فيه ناس عندهم إصرار إنهم يكتبوا في آخر البوستات see more، ولما تدوس على البوست ما تلاقيش فيه حاجة مكتوبة، فأنا عرفت السبب أخيرًا».
وقال: «في إحصائيات الفيسبوك، فيه حاجة اسمها clicks وترجمتها بالعربي النقرات، فهو لما بيكتب see more في آخر السطر، إنت بتعتقد إن البوست ليه باقي، وبالتالي بتدوس، فبتتحسب دوستك دي click أو نقرة، طيب إيه أهمية النقرة أو الـ click دي؟ النقرة دي بتوصل للخوارزميات إن الناس مهتمة بالمحتوى اللي بتدوس عليه، وبالتالي بتصنّفه كمحتوى ذو قيمة، ويترتب على ده إنهم يزودوا معدل وصول الحساب ده أو الصفحة للمستخدمين، لأنه لاحظ إن المحتوى عاجب الناس وبيدوسوا كل شوية علشان يشوفوا اللي مكتوب».
وأضاف: «السبب في كده إن منصات السوشيال ميديا بشكل عام بتزود ظهور المحتوى اللي الناس بتهتم بيه علشان يخلّوا الناس فاتحين المنصة وقت أطول، وبالتالي، لما إحنا بندوس see more على بوست، فده بيتحسب عند الفيسبوك اهتمام، وبالتالي بيبدأ يرشّح البوست ده لعدد أكبر من الناس، أنا مش عارف دي معلومة معروفة ولا لأ، بس أنا كنت فاكر اللي بيعملوا كده بيهزروا، بس لما عرفت القصة قلت أعرفها للي ما يعرفش، ولو هي معلومة معروفة قولوا لي طبعًا».
