أحمد عزمي يكشف: وفاة شقيقي كانت أصعب لحظة في حياتي

كشف الفنان أحمد عزمي عن أصعب الأزمات التي مر بها في حياته، مشيرا إلى أن موقف وفاة شقيقة كان الأصعب على الإطلاق.

وقال، خلال استضافته في برنامج «الستات» المذاع عبر شاشة النهار: «أنا أخويا توفي في حادث قبل الزمة بتاعتي ودي كانت من الحاجات اللي تسببت في بعدي عن الفن لأني كنت بعاني من حالة رفض كاملة لأني حسيت في حاجة في إيدي أعملها ومعملتهاش».

وأضاف: «وكمان شخصيتي الي قدمتها في مسلسل ميد تيرم كانت قريبة جدا من ده، لأن دوري شبة شخصية والدي كمان، أبويا كان عنده ابن ضل وعايز يرجعه عن طريقه وفي نفس الوقت ابن تاني خايف عليه».

وفي سياق أخر، قال الفنان أحمد عزمي: «أنا زعلت جدا إن شخصية جمال في مسلسل حكاية نرجس كان 7 حلقات بس، لأني كنت كل ما بقرأ في السيناريو كانت الشخصية بتشدني جدا جدا».

 دراميا كان لازم جمال يسافر

وأضاف:«أنا بالرغم من زعلي إن الشخصية 7 حلقات بس إلا أن دراميا كان لازم جمال يسافر، لأنه لو فضل موجود عمر عوني ما كان هيتجر مع نرجس في القصة».

وتابع: «بعدين فكرت وقولت لنفسي ياواد ركز في الشوية اللي معاك دول وحاول تطلعهم بأحسن شكل للجمهور».

علاقة طيبة تجمعه بريهام عبدالغفور ووالدها

وعن علاقته بالفنانة ريهام عبد الغفور، قال: «أنا برتاح وريهام عبدالغفور بتمثل جنبي وأصلا علاقتي بآل عبدالغفور كويسة بداية من واردها الراحل أشرف عبدالغفور، لأني كنت في الإذاعة زمان كنت بكتب شعر وكان عندي 12 سنة وبعدين اترشحت في اذاعات صوت العرب إني أقول الشعر باللغة العربية، وهو كان بيساعد كل الناس بكل حب».

وواصل: «وبعدين أستاذة إنعام الجريتلي كمان اختارتني أمثل أول حاجه تلفزيون، وكان بطل المسلسل بردو الستاذ أشرف عبدالغفور وبسببه اتعلمت اللغة العربية كويس جدا وعلاقتي بيه كانت كويسة لما دخلت معهد الفنون المسرحية وكان هو في النقابة كنت بروحله كتير وفي أي مشكلة وبالنسبالي ريهام عبدالغفور أختي».

وأردف: «في مره كنت بمثل مع ممثلة كبيرة بدونذكر أسماء وصلحتلها اللغة العربية لأني بقيت شاطر جدا فيها بسبب الأستاذ أشرف عبدالغفور».