سحر رامي: "كنت خايفة معملش دور اتنين غيرنا لأنها حصلت فيا قبل كده"|خاص
أوضحت الفنانة سحر رامي في تصريحات خاصة لـ موقع نيوز رووم أنها كانت قلقة جدًا بشان أنها لن تستكمل دورها في مسلسل اتنين غيرنا، وذلك بسبب أنها تعرضت من قبل لموقف مشابه وهو أنها ذهب في جلسة مع المؤلف والمخرج لعمل ما وبعد أن علمت كل تفاصيل الشخصية وبدأت ان تذاكرها، أكتشفت بعد أيام أن الدور كان من نصيب فنانة أخرى.
كواليس تعاقد سحر رامي على مسلسل اتنين غيرنا
حيث قالت سحر رامي: “لما روحت قعدت مع أستاذ خالد الحلفاوي والأستاذة رنا أبو الريش قولتلهم لو مش هعمل الدور قولولي، عشان ممكن تكونوا جايبين أكتر من فنانة وبتعمل تيست لنفس الدور فقولولي عادي، لقيتهم رحبوا جدًا وقالولي أحنا مكلمينك أنتي بالأخص عشان الدور وخلاص الدور بتاعك، وأنا اتعودت أعمل كده لأني بتعلق جدًا بالشخصيات وبشتغل عليها من أول دقيقة وفي مرة بعد ما اشتغلت مدة أكتشتفت أن الدور راح لزميلة”.
استياء سحر رامي لعدم وجود تتر لـ اتنين غيرنا
وقد أعربت الفنانة سحر رامي عن استياءها من عدم وجود تتر لـ مسلسل اتنين غيرنا خلال لقاءها مع موقع نيوز رووم، بالرغم من اتفاقهما على هذا إلا أنها تضايقت بسبب هذا الأمر.
حيث قالت سحر رامي في تصريحها: “في الأول وقت الاتفاق سألت أستاذ خالد عن وضع اسمي في التتر وهيكون فين، ففاجئني أن مافيش تتر للمسلسل، اتفقنا ووافقت بس كنت مضايقة، خاصة أني بشوف أن التتر ده تاريخ، ممكن تطلع أجيال جديدة وتتفرج على مسلسل اتنين غيرنا ومتبقاش عرفاني، ويشوفوا دور فوتا ويبقوا عايزين يعرفوا مين دي هيعرفوها إزاي؟، لا طبعا مهم وجود تتر لأي عمل”.
الموسم الثاني من فيلم كابوريا
وفي سياق آخر، قد تصدرت أنباء تحضيرات الموسم الثاني من فيلم كابوريا تريند محركات البحث جوجل، وقد كشفت الفنانة سحر رامي منتجة الموسم الأول من الفيلم في تصريحات خاصة لـ موقع نيوز رووم عن كواليس تلك التحضيرات.
حيث قالت سحر رامي في تصريحاتها: “من سنة بعتولي عشان ياخدوا موافقتي على إنتاج موسم ثاني من الفيلم، أنا مش هشارك فيه ولا في إنتاجه ولكن موافقتي كانت على استخدام بعض التيمات الموسيقية من الموسم الأول، ومنذ تلك الجلسة لم أعلم أي شئ عن الفيلم، وما أعلمه هو أنهم مازالوا في مرحلة التحضيرات الأولى ولم أعلم أي شئ عن أبطاله أو مخرجه”.
