«اتجوزنا وأنا مش معايا فلوس مأذون».. ضياء عبدالخالق يكشف قصة زواجه
كشف الفنان ضياء عبدالخالق، عن قصة زواجة من المخرجة شيماء شعوط، موضحا أنه تزوجها بعد شهر واحد من تاريخ لقاءها الأول، مؤكدا أنها وقفت بجانبه وتحملته كثيرا منذ بداياته.
وقال: «وقفت جنبي وإحنا بنتجوز ومكانش معايا فلوس الماذون وده حملني مسؤولية كبيرة اتجاهها علشان لأزم أحافظ عليها، وسبحان الله كان وشها خير عليا وجالي شغل وأخدت فلوس واتجوزنا».
ومن جانبها أضافت شيماء، خلال استضافتهم في برنامج «الستات ميعرفوش يكدبوا» المذاع عبر شاشة سي بي سي: «أنا لما كنت بشوفه الأول في الأعمال قولت ده بيشتغل غناوة يعني بمزاجه وده كان علشان طول الوقت مش بيظهر كتير».
وأردفت: «شوفته بالصدفه لما روحت زيارة لمسرحية بادي جارد مع الزعم عادل إمام وأول لقاء بيننا كان معاكسات، وقالي تعالى نتصاحب لكن أنا قولتله مش بصاحب ، قالي وأنا مش بتجوز».
وتابعت: «رديت عليه قولتله لو عايزة أتجوزك هتجوزك، وفعلا بعدها بشهر اتجوزنا».
وواصلت: «ولما جه ضياء يقدملي كان وقتها عيد ميلادي وقالي أجيب هدية إيه علشان أنا عايز هدية لازم موافقتك عليها لأني عايز أجيب دبل، وبالفعل جه اتقدملي وأنا مسمحتش لأخويا يقوله حاجه على الشبكة والمهر وكده، وقولتله هو أنت اللي هتتجوزه ولا أنا، لأن أولا دي حاجات تخصني، وكمان علشان ولا أنا ولا هو كان معانا فلوس نهائي واتجوزنا بأبسط الحاجات».
وفي سياق متصل، أعرب الفنان ضياء عبدالخالق عن استيائه الشديد من الطريقة التي تم التعامل بها مع اسمه في الحملة الترويجية لمسلسل «علي كلاي»، مؤكدًا أنه فوجئ بتجاهله في مختلف أشكال الدعاية الخاصة بالعمل.
وكتب عبدالخالق في منشور عبر منصة «إكس»: «التقدير و الاحترام للزميلات و الزملاء انا واحد من ابطال المسلسل، مش موجود فى كافة أشكال الدعاية مش موجود فى اى بوستر»
واختتم قائلاً: «اسمى فى تتر المقدمة ابعد من المكان اللى وصلت له بشغلى وبمجهودى بشهادة الجمهور والمتخصصين، لمصلحة من قلة التقدير».
كشف المخرج محمد عبدالسلام، مخرج مسلسل علي كلاي، عن كواليس تصوير المسلسل، المشارك في السباق الرمضاني لهذا العام.
وقال عبدالسلام، خلال استضافته في برنامج «حصاد الدراما» المذاع عبر شاشة إكسترا نيوز، إن التعامل مع الفنان الموهوب يكون أسهل وأكثر متعة، بغض النظر عن سنه أو تاريخه الفني، مشيرا إلى أن الموهبة وحدها هي الفيصل الحقيقي في نجاح أي عمل.
