لؤي الخطيب: فتح مضيق هرمز يؤكد تقدم التفاوض مع إيران

علق الكاتب الصحفي لؤي الخطيب على التطورات المرتبطة بملف التوتر مع إيران وفتح مضيق هرمز.

وكتب الخطيب عبر منصة «إكس»: «‏طبعا التنظيم الإيراني الحاكم فتح مضيق هرمز علشان انتصر على الحصار.. زي ما حقق انتصارات عسكرية ساحقة، ولسه لما تتعرف تفاصيل الاتفاق اللي بيناقشوه هتبان الانتصارات أكتر وأكتر».

وتابع: «قول زي ما انت عايز عن ترامب، إنما فتح المضيق معناه انه ماكنش بيكذب لما قال إنهم بيتفاوضوا مع أطراف معينة جوا النظام وإن المفاوضات بتتقدم، وقول زي ما انت عايز عن ترامب، بس فتح المضيق معناه انه فعلا عرف يخنقهم، ده غير التفاصيل اللي قالتها أكسيوس عن المال مقابل اليورانيوم - لو صحت».

واختتم قائلاً: «دي دروس مهمة جدا لمنطقة عاشت سنين وسنين غرقانة في الجعجعة والشعارات الكدابة، لكن الحقيقة إن مفيش وسيلة للحفاظ على البلاد والنصر على أي عدو، غير ببناء القدرات الحقيقية، وإن كل دولة تمسك العقل وتصلي على النبي كده وتبطل جعجعة».