محمد عبدالوهاب: والدي وأم كلثوم كانوا بيهزرو ويحكوا مع بعض رغم المنافسة

كشف نجل الموسيقار محمد عبدالوهاب جانبا إنسانيا في علاقة والده بكوكب الشرق أم كلثوم، مؤكدا أن العلاقة بينهم كانت بسيطة وقريبة رغم المنافسة.

علاقة عبدالوهاب بأم كلثوم

وقال “عبدالوهاب” خلال لقائه مع الإعلامية منى الشاذلي، ببرنامج “معكم” على قناة “on”: “كانوا بيتكلموا ببساطة جدا، كأنهم أطفال أو صحاب، مش مجرد فنانين كبار، وكانوا بيهزروا وبيحكوا مع بعض”.

وأضاف: “أم كلثوم كانت بتحكي له عن قطعة أرض عندها في المنيل، وبتزرع فيها خضار زي البامية والفاصوليا، وكان هو بيقترح عليها تبني فيها، لكنها كانت متمسكة بالزراعة”.

وتابع: “كانوا بيتكلموا كتير في التليفون، وبيهزروا ويقولوا نكت، والعلاقة بينهم كانت أقرب من مجرد شغل”.

كوليس “أغنية انت عمري”

وكشف كواليس أغنية “إنت عمري”، قائلا:“مش صحيح إنها كانت بقرار رسمي، الموضوع بدأ إن أحمد شفيق كامل عرض الكلام على عبدالوهاب، وهو عجبه واشتغل عليه لنفسه”.

وأضاف: “بعد كده أم كلثوم سمعت عنه وكلمته، وطلبت تسمعه، وهو غناه لها أكتر من مرة لحد ما عجبتها، وبعدها عدّل فيه علشان يناسب صوتها، لأنه كان معمول على صوته هو في الأساس”.