خبير اقتصادي: الزواج في مصر لصالح الرجل.. والمرأة هي الخاسر الأكبر
أثار الخبير الاقتصادي هشام صلاح جدلا واسعا عبر منشور له على موقع فيسبوك، تناول فيه رؤيته حول منظومة الزواج في المجتمع، وتأثيراتها الاقتصادية والاجتماعية على الطرفين.
وقال هشام صلاح في منشوره إنه يحاول أن يكون أكثر صراحة، مشيرا إلى ما وصفه بـ«الخوف من المجتمع» الذي قد يمنع التعبير الكامل عن بعض الآراء، مؤكدًا في الوقت نفسه أن الزواج في المجتمع – من وجهة نظره – يعود بفائدة أكبر على الرجل مقارنة بالمرأة.
وقال هشام صلاح: «نفسى أكون صريح أكتر من كده، حاسس إني برضه مش صريح على صفحتي بما فيه الكفاية، كفاية خوف من المجتمع بقى، الجواز في مجتمعنا مفيد جدًا للرجل أكتر بكتير من المرأة، الراجل هو الطرف الأكثر استفادة من منظومة الزواج، يعني البنات اللي حلمها تتجوز وأنا مقدر هذا الشعور الفطري تمامًا».
وأضاف: «عاوز أقولهم إنتوا الخسرانين في القصة دي التكاليف الجسدية والمعنوية والأسرية والمجتمعية تقع عليكن بالكامل الراجل بيعمل نفس دوره قبل الجواز وهو السعي والشغل ودفع الأموال وفقط، مسؤولية البيت كله على الست، رعاية الأولاد ودراساتهم وتربيتهم ومراعاة كافة شؤونهم من الولادة لبعد جوازهم كمان تقع على الست وتستمر رعايتها لأحفادها بخلاف إن 70% من الأسر في مصر حاليًا بيعولها ماديًا ست كمان ولو لا قدر الله حصل انفصال الراجل فله شمعة منورة، بيدفع أقل من الفلوس اللي كان بيصرفها وهو متجوز (ده إن دفع أساسًا من غير محاكم ومشاكل وعند وتعنت)»
وتابع: «الراجل بيعيش حياته كيفما يحلو له حر طليق، يتجوز يسهر يسافر المجتمع مش بيلزمه ولا بيقيده على النقيض بقى الست حياتها بتوقف تمامًا وبتتوهب للأولاد تمامًا وبتعاني جدًا لأنها بتقوم بدور الأب والأم في نفس الوقت مش بتكلم عن دين ولا دي سنة الحياة ولا بعمل دعوة لعدم الزواج، أنا بتكلم عن واقع معاش وكلنا أكيد شايفين وراصدين بحلل الواقع فقط ده الواقع للأسف يلا هاجموني بقى».
