كنت خايف فرحي يبوظ..البلوجر علاء جمال يرد على منتقدي طرده الحضور بحفل زفافه

علق البلوجر جمال علاء على الانتقادات التي تعرض لها بعد انفعاله في حفل زفافه على الحضور، جيث طلب ممن لم توجه لهم دعوة بالحضور بمغادرة الزفاف.

وقال علاء جمال في فيديو عبر حسابه على تيك توك: “الاعتذار من شيم الرجال، لكن لو رجع بيا الزمن مكنتش مسكت المايك وقلت الكلم ده كنت قفلت الباب ومسكت العيال دي عجنتها، ده أنا أمي متخانقة مع خالتي علشان ما عزمتهاش.. الناس دي أنا معرفهمش ومش تبعنا والموضوع كان صعب”.

وأضاف علاء جمال:"إحنا مكناش عاوزين حد يصور كنا عاوزين ننبسط بصحابنا والمكان يشيل 250 فرد فقط، والفرح مرة في العمرة مش هتحصل تاني ومكنتش حابب أنه يبوظ في لحظة، والله  أنا تعبت ونفسي ضاق، واه طريقة كلامي كانت وحشة ولكن مكنتش غلطان الموضوع كان صعب، ولقيت ناس بتقول عيب الناس جاية تفرحلك واحنا اللي عملناك.. أنا مش مقدم في مجلس الشعب أنا في لحظة حسيت اني فرخي باظ، وعلى العموم لو حد زعلان مني ما يزعلش". 

وكان البلوجر علاء جمال قد انفعل على الحضور في حفل زفافه على البلوجر سلمى عبد العظيم، وقال في المايك:"إحنا عاوزين نفرح مع صحابنا وانتم عاملين زحمة واللي هشوفه مش معاه دعوة هحرجه ولو قل أدبه هضربه".