الإخوان رقم 5.. أذرع الصهيونية العالمية.. من المسؤول عنها؟ حافظ حسن يكشف

تحدث الدكتور حافظ حسن، محاضر في العلوم الإستراتيجية ، عن أذرع الصهيونية العالمية التي تروج لنفسها اليوم على السوشيال ميديا، موضحا أنها 5 أذرع أساسية، بريطانيا العظمى وهي اللي أسست الكيان ده كله بالكامل من البداية،  والولايات المتحدة الأمريكية، وإسرائيل، وإيران، لأن إيران شيعية، والصهيونية عايزة تقسم المنطقة على أساس المذاهب سنة وشيعة، دروز وأكراد وعلوين.

الإخوان المسلمين.. الذراع الخامس

وأضاف “حسن” خلال حوار على قناة “الشمس” أن جماعة الإخوان المسلمين، هي الذراع الخامس، متابعا: لأن الجماعة دي طلعت من معسكر الجلاء الإنجليزي في الإسماعيلية سنة 1928، كأن بريطانيا بتقول للعالم: خلوا بالكم الجماعة دي تبعي ومحدش يجي جنبها.

سر تسمية حسن البنا

لفت إلى أن مؤسس الجماعة حسن البنا، اسمه حسن مصطفى الساعاتي، متسائلا: كلمة البنا دي جت منين؟ تاريخيا كلمة البنا دي نسبة للفريماسون، اللي هم البناؤون الأحرار، يعني اللقب ده مش مجرد اسم، ده إشارة عشان يتعرف إن الجماعة دي تبع الصهيونية العالمية، وهي اللي هتبدأ تقسم المنطقة العربية وتضرب المذاهب في بعضها، وده اللي إحنا شايفينه النهاردة.

من يحكم العالم؟

وتابع: لازم نعرف إن الصهيونية العالمية هي اللي صنعت إسرائيل وهي اللي بتتحكم فيها.. “في ناس فاكرة إن نتنياهو هو اللي بيمشي ترامب، لكن الحقيقة إن الصهيونية العالمية هي اللي بتحكم وبتمشي أمريكا وإسرائيل مع بعض”، مضيفا: الصهيونية دي منهج وفكر قبل ما تكون دولة، وإسرائيل هي الدولة اليهودية، واليهود اللي هناك دلوقتي مش هم يهود بني إسرائيل بتوع زمان، دول خلصوا وانتهوا.

دور إيران وثورة 1979

وأكد: الصهيونية العالمية هي التي أتت بـ آية الله خميني من فرنسا ودخلته إيران سنة 1979 عشان يعمل الثورة على شاه إيران، موضحا أن الهدف كان تقابل الشيعة مع الإخوان ويبدأوا مع بعض يفتتوا في المنطقة العربية.

حلم إسرائيل الكبرى

أشار إلى أن النتيجة اللي بيصدروها لولادنا النهاردة هي حلم إسرائيل الكبرى، التمدد من النيل للفرات، والحدود دي راسمينها وحاطينها على كتف العسكري والضابط الإسرائيلي عشان يقولوا له دي عقيدتك ودي أرضك، وواصل: إسرائيل وإيران في الحقيقة هم إخوة أعداء، بيخدموا مخطط برنارد لويس، وإيران كان ليها أذرع تسببت في فشل مفاوضات إسلام آباد، زي ما ذكر الدكتور حافظ حسن.