مصطفى يونس: رفضت ارتداء الخطيب شارة القيادة وهذا رأيي في زيزو
كشف مصطفى يونس قائد النادي الأهلي في الثمانينيات عن رأيه في ما يخص النادي خلال الفترات الأخيرة، وفي مقدمتهم التعاقد مع أحمد سيد زيزو نجم نادي الزمالك خلال فترة الانتقالات الصيفية المقبل.
ونستعرض أبرز تصريحات مصطفى يونس قائد الأهلي السابق عبر برنامج الكابتن مع أحمد حسن
- كولر يتعرض لهجوم كبير ومن داخل الأهلي نفسه وهو أمر يحدث لأول مرة في الاهلي.
* كولر لا يتحمل النتائج وحده رغم عدم قناعاتي به منذ أن وافق على رحيل ديانج.
* الأهلي يفتقد لاعب بقيمة أفشة في الملعب، يجيد قراءة الملعب.
* في حالة خسارة الدوري سيكون السبب الرئيسي هو قرار عدم لعب مباراة القمة.
* قرار عدم لعب القمة له أهداف بعيدة عن الكرة ويسأل عنه من اتخذه.
* لوكنت مكان الخطيب لشاركت في القمة ولن أعتذر وهلعب الماتش بالحكام المصريين.
* كسبنا بالحكام المصريين كتير وخسرنا في وجودهم برضه، لأن ده جزء من اللعبة.
* الناس لازم تتعلم سياسة المكسب والخسارة لأن دي رياضة
* النادي الأهلي هو البراند والمعلن بيجي ليه عشان عاوزه.
* زيزو اقترف ذنب في حق الزمالك بعدم صراحته.
* الزمالك أذنب في حق نفسه بعدم بيع زيزو وأيضا عدم التجديد المبكر له إلى جانب عدم منحه مستحقاته.
* يعني زيزو هيسيب 80 مليون جنيه في الزمالك عشان ياخد 20 مليون جنيه في الأهلي؟ مين يصدق الكلام ده بالعقل.
* الشناوي قال أنا عاوز أخد زي أبو زيزو وغيره من اللاعبين.
* بأرقام زيزو الخطيب يستحق مليار جنيه لو لسه بيلعب.
* الخطيب في قلبي لكن مش في عقلي، ومفيش علاقة بينا بقالنا سنين ولا يتم دعوتي لأي أحداث في الأهلي .
* اعترضت على تقلد الخطيب شارة القيادة وقلت له مش من حقك ومكنش مصدق إن أنا اللي اعترضت.
* صورة صالح سليم لازم تكون موجودة في كل حتة في الاستاد الجديد هو اللي علمنا ورمز لجيلنا كله.
* شوبير تدخل للصلح قبل كده بيني وبين الخطيب وزرته في المستشفى.
* قلت له لو عملت الاستاد هسميه ستاد محمود الخطيب.
* أرسلت رسالة لبيبو للاطمئنان عليه ومردش عليا، أنا عملت اللي عليا والخلاف بيننا بدأ بسبب قناة الأهلي.
* زكريا ناصف وأيمن شوقي لعبوا في الزمالك وبيشتغلوا في الأهلي.
* ارتدائي فانلة الزمالك كان بسبب رهان على الدوري مع جمال عبد الحميد.
* صفقة القرن هي انتقال حسام وإبراهيم حسن من الأهلي للزمالك.
