خبير تحكيمي: تحرش رويز بالحكام؟: لا بد من رحيله فورا

أكد توفيق السيد الخبير التحكيمي ، أن أوسكار رويز رئيس لجنة الحكام هو سبب الأزمات الحالية للحكام في الدوري المصري كانت آخرها أزمة مباراة الأهلي وسيراميكا كليوباترا في بطولة الدوري العام.

وقال السيد في تصريحات مع سهام صالح لبرنامج الكلاسيكو: استغربت ان محمود وفا هو اللي هيحكم ماتش الاهلي وسيراميكا  لان هو اللي دار ماتش الدور الاول
واضاف: الحكم كان في بطولة ورجع مصر 48 ساعه بعدين راح كفر الشيخ بغدين رجع ، هو اوسكار عبقري يعني للدرجه دي ولا اية، اوسكار هو السبب الرئيسي في الازمه اللي احنا فيها دي فيه حكام بتلعب 3 او 4 ماتشات في اسبوع واحد ازاي ده".

وواصل: مينفعش كاتحاد الكورة احدد مين اللي يروح طالما انا سمحت حد يجي يسمع الفار  ومفيش لايحه بتقول كده ، والمفروض ان مفيش مانع ان اي حد يروح يمثل الاهلي ، واتحاد الكرة عمل مشكله من مفيش مشكلة، المفروض الوفد كان سمع الفار والسلام عليك وعليكم السلام ، اوسكار معندوش ثقه في الحكام المصريين اللي معاه ف ياللجنة".

وعن الاتهامات الجنسية التي لاحقت أوسكار رويز ، قال توفيق السيد: هذا الكلام منتشر ومعروف وقرأته في الصحف، وشوفت تقارير ان اوسكار عنده قضايا في تخرش وحاجات ليها علاقه بالاداب.. والكلام ده من جرائد ومواقع كبيرة وواصل: ولو هو متهم او ملطوط في حاجه زي كده لازم يمشي فورا".