هبة السيسي عن قرار خلعها الباروكة: "مش هستخبي وراها وهواجه الناس"
كشفت الفنانة هبة السيسي عن سبب عدم ارتداءها لباروكة بعد تساقط شعرها بسبب علاجها من مرض السرطان، وذلك من خلال لقاءها في برنامج قعدة الستات.
سبب عدم ارتداء هبة السيسي باروكة
حيث قالت هبة السيسي: “أنا حسيت بالمحاربات وحسيت بوجعهم وباللي بيمروا بيه، وعشان كده قررت أكون واجهة ليهم وأواجه المجتمع، كفاية الألم النفسي اللي أنا بمر بيه، مش هلبس باروكة عشان الشكل مش كل حاجة، أحنا كده كده شكلنا هيتغير مع مرور الوقت الجمال مش دايم، اللي دايم السلام النفسي وروحنا”.
تناول هبة السيسي الجرعة الثالثة من الكيماوي
في سياق آخر، قد نشرت الفنانة هبة السيسي بعض الصور لها على موقع التواصل الاجتماعي انستجرام بعد تناولها الجرعة الثالثة من الكيماوي وذلك بعد إصابتها بمرض السرطان .
وكتبت هبة السيسي: “اليوم أخذت الجرعة الثالثة من الكيماوي .”
زعلانة على نفسي بس مش معترضة
كشفت الفنانة وملكة جمال مصر السابقة هبة السيسي لأول مرة عن تجربتها مع مرض السرطان، مستعرضة التحديات التي واجهتها خلال العلاج الكيماوي، وموجهة رسائل لكل من ينتقد مظهرها أو يقلل من عزيمتها خلال هذه المرحلة الصعبة.
ووصفت هبة السيسي خلال لقائها ببرنامج «قد التحدي» غبر شاشة «الشمس» مع الإعلامية لقاء سويدان، صراعها النفسي مع المرض قائلة: «أنا ما بعترضش بس أنا زعلانة على نفسي ليه بيحصل لي كده؟ أستغفر الله العظيم غصبا عني زعلانة على نفسي بس مش معترضة على قضاء ربنا هو امتحان وبقول يا ربي ده ابتلاء لتخفيف ذنوب ربنا بيخفف عني حاجات تانية بس بقعد مع نفسي ببقى زعلانة».
بين آلام الكيماوي وواجبات الأمومة
وحكت هبة: «أنا امبارح نزلت آكل برا وأنا في الشارع تعبت مقدرتش أتحرك من مكاني وخدوني ورحنا المستشفى أخذت مسكنات علشان أبقى كويسة عشان الألم الرهيب ده طول الوقت عندي عظمي كله بيوجعني بطني بتوجعني.. بس برضو بصحى الصبح كل يوم الساعة 6 عاملة اللانش بوكس أخد ولادي أوديهم المدرسة وبعد المدرسة بروح أجيبهم بعمل لهم غدا بغديهم وبوديهم للتمرين وبجيبهم للتمرين بعمل لهم كل حاجة مش مقصرة في حاجة الحمد لله يا رب».
رسالة للمنتقدين
ووجهت هبة السيسي لمنتقديها رسالة قائلة: «أنا بقول لهم يعني ما تستكثروش عليا إن أنتوا تشوفوني قوية في عز كل التعب والوجع ده إن أنا واقفة على رجلي بقاوم وبحارب أنا محاربة وأي حد عنده أي مرض من أي نوع ده شخص محارب».
