حلمي عبدالباقي يناشد رئيس الجمهورية بسبب منعه عن الترشح في انتخابات الموسيقيين
خرج المطرب حلمي عبدالباقي عن صمته ليناشد رئيس الجمهورية الرئيس عبدالفتاح السيسي بسبب منعه من الترشح في انتخابات الدورة القادمة لنقابة المهن الموسيقية وذلك من خلال مقطع فيديو عبر حسابه الرسمي على موقع التواصل الإجتماعي يفسبوك.
تحويله لجهاز الكسب غير الشمروع
وقال حلمي عبدالباقي في هذا المقطع: “أنا بقالي فترة ملتزم الصمت، بالرغم من كل اللجان اليل شايفاها بتتكلم بشكل لا يليق بـ حلمي عبدالباقي وكلام مينفعش يتقال على حلمي عبدالباقي، وحتى التجاوزات العلاجية اللي بتروح للمستشفيات النقابة حولتها لجهاز الكسب الغير مشروع واللي أنا أعرفه عن الجهاز ده أن اللي بروحوا الحرامي والمرتشي، ومع ذلك أمتثلت أمام أجهزة الدولة وهما يتصرفوا”.
حلمي عبدالباقي يتعرض إلي تعنت في الجلسة الأخيرة
واستكمل حلمي عبدالباقي حديثه قائلًا: “في الجلسة الأخيرة شوفت بعيني تعنت غريب جدًا، أول ما قاعدنا قالوا أن في جوار جايلهم من مستشفى وأنا عامله إعفاء لواحدة هتعمل عملية في عينيها والجواب ده لسه واصلهم، جواب أيه يا جماعة ده من شهر نوفمبر 2024، هو الحوار دوروا لحلمي على أي مصيبة تاخده، ومع ذلك أنا افتكرت كويس ان الجواب ده كان في تواصل بيني وبين النقيب وقالي أعملها الجواب بالعملية وأعفيها لأنها ست غلبانة، الأدهى في التحقيقات الأولانية عملنا إطلاع على التجاوزات الطبية كلها، والجواب ده مكنش موجود فطالع دلوقتي بأمارة ايه، وطبعا حصل إنكار".
إرهاب الشهود
وأكمل حلمي عبدالباقي استياءه قائلًا: “وأحنا كنا جايبين شهود يشهدوا على بعض الوقائع، تم إرهاب بعض الشهود، وأحد الشهود قالي أنه حد قاله أنت ايه اللي جابك وأنت جاي تشهد على الريس يلا يا حبيبي أمشي، فالنقيب قاله تعالى وقول شهادتك، ده معناه ايه، وفي شاهد تاني لما شاف القصة كده مشي، واتكلمنا في موضوع ناصر صقر تاني مع أنه طلع واتكلم في لقاء تليفزيوني أن في 6 من الأعضاء وافقوا على الإيرادات والمصروفات اللي من ضمنها العلاجات".
استقصاء حلمي عبدالباقي من الانتخابات
واختتم حلمي عبدالباقي قائلًا: “بعد كل اللي أنا بقوله ده يا جماعة، أنا مطلوب اقصائي من الانتخابات اللي جاية ولا عضو مجلس ولا نقيب ولا أي حاجة، وده في الأخر بتاع ربنا لا أنا ولا أنت ولا أي حاجة ربنا عايز يحصلي حاجة هيحصلي، ربنا عايز ينقذني هينقذني، أنا بناشد ك أجهزة الدولة أنا بتعرض لظلم وقهر بشكل غير طبيعي لكن في الأخر بقول اللي ربنا عايزه هو اللي هيكون”.
